Kena 8 April 2022, Kot Daerah Primorye ngubah baru pemutus ti ngumbai Dmitriy enda besalah. Diatu, kes iya deka dipechara baru ba kot.

1. Kena 22 November 2021, Kot Pelilih Pervorechenskiy di Vladivostok ba Begian Primorye ngumbai Dmitriy enda besalah, lalu nutup semua tuduh ti ngelaban iya. Tu meh keterubah iya siku ari Saksi-Saksi Jehovah ke dituduh ngelanggar Artikel 282.2(1) ari Undang-Undang Jenayah Menua Rusia (iya nya, ngatur pengawa gerempung ekstremis) lalu enda dikumbai besalah sereta diukum. Sebedau tu pengawa iya balat disekat, tang sekat nya deka dibuai. Pemutus kot tu deka ditetapka kena 3 Disember 2021, asal ga piak bedawa enda minta ngapil pemutus tu

2. 20 April 2021

   Kes jenayah berengkah dipechara baru

3. 18 Disember 2020

   Kes jenayah dipulaika baru ngagai penawa laban nadai bukti ti nyemetak. Sekat ke diberi ngagai iya mengkang enda berubah

4. 18 Oktober 2019

   Pengudah 447 hari ditan ba jil, Dmitriy dilepaska tang pengawa iya balat disekat. Bisi sepuluh kali kot ngemanjaika timpuh Dmitriy ditan

5. 28 Julai 2018

   Kena 7 pagi, 28 Julai 2018, seraban polis ke bekenaka penutup mua sereta ngembuan senyata nyerebu tama apartment endur Dmitriy enggau Yelena bemalam kena nyaga ini Yelena ke beumur 90 taun. Dmitriy enggau Yelena dibai pulai ngagai nengeri sida di Vladivostok enggau penyauh 177 kilometer (109 batu.) Tekala nya Dmitriy ditangkap lalu ditan seraya nganti kes dipechara

6. 27 Julai 2018

   Menyadi Dmitriy Barmakin dituduh ngereja jenayah

7. Oktober 2017

   Seiku indu ke beumur 30 taun, ke gawa ba Federal Security Service (FSB), pura-pura nunjukka minat pasal Bup Kudus. Iya enggau belalai ngerikut randau iya enggau sekeda bala menyadi

Taja pan Dmitriy enggau Yelena nyangka deka diseraraka baru ketegal ukum jil, teladan sida nunjukka, ‘pengaga ti diberi Jehovah ngagai sida, deka ngasuh sida kering.’—Nehemiah 8:10.