Pampang opis Cameroon ngatur kimpin nginjil ti spesial, ke jarang dikereja ba Gabon kena 1 Jun nyentukka 31 Ogos 2019. Tuju kimpin tu, deka nginjil ngagai sepuluh iti bandar ke pemadu mayuh orang diau, baka ba Franceville, Koulamoutou, Lambaréné, Libreville, Makokou, Moanda, Mouila, Oyem, Port-Gentil, enggau Tchibanga. Kimpin tu mega disengkaum 400 iku menyadi kitai ke datai ari Amerika Serikat, Belgia, Kanada, enggau Perancis.

Lebih ari 2 juta iku orang diau ba Gabon. Kesuah iya, bansa jaku ke dikena ba dia bansa jaku Perancis, iya nya bisi 80 persen. Tang, dalam urung 30 persen orang dia ngena bansa jaku asal sida, iya nya bansa jaku Fang. Nya kebuah, kimpin tu dipejalaika ngena dua bengkah bansa jaku.

Seiku orang ke ngena bansa jaku Fang bisi minat pasal Bup Kudus. Iya diau ba Bissegue quarter of Libreville lalu madahka, “Tu keterubah iya aku ninga berita manah ari Petara ngena bansa jaku aku empu!”

Seiku menyadi indu ke enggau kimpin tu madahka, “Pengerindu sereta penyerakup ba entara menyadi Kristian dalam gerempung Jehovah, ulih dipeda nengah kimpin tu. Bala menyadi amat pengerah, manah enggau begulai, ransing, sereta rinduka pangan diri enggau pengabis ati. Aku ingatka jaku Paul pasal eklisia Pilipi, “Awakka kita sama sepenemu, rinduka pangan diri, besetuju sereta sebaka runding enggau pangan diri.”—Pilipi 2:2.