In dis paht, we goin learn about young peopo, prophets, an kings who wen show dea unreal fait in Jehovah. In Syria, one small girl from Israel had full on trus dat Jehovah’s prophet can heal Naaman. Da prophet Elisha had kno fo shua dat Jehovah wuz goin proteck him from one enemy army. Main Pries Jehoiada wen put his life on da line fo proteck young Joash from his pilau grandma Ataliah. King Hezekiah had trus dat Jehovah would save Jerusalem, an he neva cave in wen da Assyria guys wuz trying fo make him sked. King Josiah wen wipe out idol worship from da land, fix up da Tempo, an had help da Israel peopo worship da right way again.