Jehovah iz da King ova eryting. He always wuz, an always goin be in control. Like da time he wen save Jeremiah from dying in one mud hole. He proteck Shadrak, Meshak, an Abednego from getting burn up in one big fiyah an save Daniel wen dey had throw him to da hungry lions. Jehovah proteck Esther so dat she could save her peopo. He not goin let bad kine stuff go on foeva. Da prophecies of da big statue an da humangus tree show dat garanz Jehovah’s govament goin soon take ova da eart an hemo all da bad kine stuff.