Jesus wen teach peopo about God’s Govament. He also teach dem fo pray dat God’s name get plenny respeck, fo his Govament rule ova da eart, an dat God make tings happen da way he like. If you get keiki, help dem undastan wat dis praya mean fo us. Jesus neva let Satan come between him an Jehovah. He pick his aposals fo have one spesho kuleana, an come da firs guys fo be paht of God’s Govament. Try see how Jesus wen go all out fo da right way fo worship. Cuz Jesus like help oddas, he wen heal da sick, feed da hungry, an even bring da mahke guys back to life. All dese awesome tings show wat God’s Govament goin do fo erybody on da eart.