Da Bible start wit da story of how Jehovah wen make all da beautiful tings in da sky an on da eart. If you one parent, help yoa keiki see all da diffren tings God wen make. Show dem how God wen make peopo way moa betta den animals. He wen make us so we can talk, tink good bout stuff, make tings, sing, an pray. Help dem fo be tankful fo Jehovah’s powa an smarts an speshly his love fo eryting he wen make—an dass ery one of us too.