Intro To Paht 2
How come Jehovah wen make one flood dat had wipe out da world befoa time? In da beginning, one beef wen start, dass da beef between good an bad. Had guys like Adam, Eve, an dea boy Cain, dat wen choose fo be bad. Had some guys like Abel an Noah who wen choose fo be good. Mos peopo had come so bad, Jehovah had fo end dat pilau world. Dis paht goin help us learn dat Jehovah see wat side we pick, an dat he neva goin let da bad win ova da good.
IN THIS SECTION
STORY 3
Adam An Eve Neva Lissen To God
Wat wen make dis one tree so spesho in da Eden Garden? How come Eve wen eat da fruit um?
STORY 4
From Anger to Murder
God wen like Abel’s present but no wuz happy wit Cain’s. Wen Cain found out, he wuz supa mad an wen do someting real bad.
STORY 5
Noah An Da Big Boat
Wen da bad angels wen come down an marry da wahines on eart, dey had boys who wuz supa big an strong bullies. All ova peopo would bus up each odda. But Noah wuz diffren cuz he wen love an lissen to God.
STORY 6
Eight Guys Make Um To One New World
Da Flood wen bring rain fo 40 days day time an night time. Fo moa den one year, Noah an his ohana wuz inside da big boat. Den Jehovah wen tell dem dey could go outside.
