ઈશ્વર તમારી પ્રાર્થના સાંભળે છે. પવિત્ર શાસ્ત્ર ખાતરી આપે છે કે, ‘જેઓ ખરા ભાવથી તેમને વિનંતી કરે છે, તે સર્વની પાસે યહોવા છે. યહોવા તેઓનો પોકાર પણ સાંભળશે.’—ગીતશાસ્ત્ર ૧૪૫:૧૮, ૧૯.

ઈશ્વર ચાહે છે કે આપણે તેમને પ્રાર્થના કરીએ. પવિત્ર શાસ્ત્રમાં ઈશ્વરે આમ લખાવ્યું છે: “કંઈ ચિંતા ન કરો, પણ બધી બાબતમાં પ્રાર્થના અને વિનંતી સાથે આભાર માનતા, તમારી અરજો ઈશ્વરને જણાવો.”—ફિલિપીઓ ૪:૬.

ઈશ્વરને આપણી ચિંતા છે. ઈશ્વર આપણી ચિંતાઓ અને મુશ્કેલીઓથી જરાય અજાણ નથી. તે આપણને મદદ કરવા ચાહે છે. પવિત્ર શાસ્ત્રમાં લખ્યું છે: “તમારી સર્વ ચિંતાઓ તેમના પર નાખી દો, કેમ કે તે તમારી સંભાળ રાખે છે.”—૧ પીતર ૫:૭.