« Gilitɔi gaa ɲə́i Yálá ɓa ya ɓaa : yii gaa di yəi yɛ hwilɛn na nu lɛlɛɛɠaa da ɲɔnwɔɠaa kulɔ mɛni pai kɛi haaɓəlaa lowai diɛ kɛ a di hulú. » — Túwɔ́ pələ hɛɓɛ 24:15.

Hwaŋalɔ yii ya ɉɔlɔɓo ə wɛlikɛmaa mun da haa pulu. — Kɔlɛntə veelɛnaa 1:3, 4.

Hwa kəa ɲɔu haaɓəlaa diɛ. — Hebulu 2:15.

Ə́ wɛlikɛmaa nua daa haa, ka diɛ ni, ka kee kaa mɛni pai kɛi, ŋɔ kilitɔɔmaa laa a kɛ́ ə yei. — Záán 5:28, 29.

Mɛni haaɓa maa mɛni ɓa :

• Yálá kaa a hɛn gəlee pɛli mun. Biblə a kɛ́ Zehova Yálá ɓa « Yálá yii yɛnɛɛ hɛnŋaa kəlee pɛli ». (Túwɔ́ pələ hɛɓɛ 17:​24, 25; Somə 36:9, Traduction du monde nouveau). Nui hɛn gəlee nɔɔn too ɉu, sə kaa ma ə haa mun nɔɔn too ɉu.

• Yálá ə wɔlɔ haaɓəlaa mu həɠə. Biblə kaa haaɓəlaa mɛihaaɓa mu həɠə mɛni ɓoi. Hulɔnu, nɛɛnu, nu pɔlɔ-pɔlɔ, muhəɠə ninɛ, di kɛ ɉaaɓəlaa tii lowai. Daɠaa daa kɛ haa ɉu ho kɛ kwəali, dɔnɔ aa kɛ haa holo naan dɛɛ púlú. — Záán 11:39-44.

• Yálá kaa nwɔnɔ bɔ ə haaɓəlaa mu həɠə. Haa wɛli kpɛɛi Zehova ɓa, a gaa yɛ nu yowo. (Kɔlɛntə dɔlɔɔ 15:26). Yálá yee tɛɛ mɛni haa ɓa maalii kaa gwəi, gaa bɔ ə gɛ kpɔ ɉaɉa. Gaa pai yili kɛi haaɓəlaa mu həɠə mɛni haalai. Haaɓəlaa mɔlɔɓəlaa naa kili kaa ɲa, gaa bɔ ə di nwun, ə gɛ, yiliɠaa di yiipoo yii kpɛɛ ho ma hɔlɔɓo.​— Zɔbə 14:14, 15, TMN.