Gã́bug kpóó ea gé bẹl a ténmá kọọ̀ gbò nen á kil kpã́á aa ló ene, vaá gã́bug nen á gá bõoná ná. Gbò Neǹ Ditõ̀ò Jìhóvà a bééláfùl ge gbàntṍ ló nakà logí boo tṍó e bà gé kilsĩ́ gè fã̀ Jìhóvà mm̀ sĩ́deè e bàé íe kpènà. Kọbé è láá naa níí, gbò bõ̀ònatõ̀ò a tú app ea di boo fóòn àbèè kòmpútà e nen é láá zọ̀ọ̀mà dõòna gbò loá bel tṍó eo gé mon va sẹ̀ẹ̀màgì nònù, dì belí Zoom.

 Kọbé è láá kilsĩ́ gè sẹlẹ bẹẹ gbò nònù, Gbò Ge Tulè Tóm beè gbóó tenmá kọọ̀ á dú gè tú bẹẹ gbò lọ̀là-lọ̀là zalmá Zoom account nè gbò bõ̀ònatõ̀ò. Níí a palàge nvèè bá nè gbò bõ̀ònatõ̀ò e bà náa íe kpègè ge zalmá Zoom account, ea é láá sí $15-$20 àbèè à el vó. Gbò bõ̀ònatõ̀òí géè tú gbò app e bà náa é kpẽ́ kpègè ló sõò gã́bug nen náa é láá gbá bã boo sẹ̀ẹ̀mà nònù. Kọ̀láá kà bõ̀ònatõ̀ò e bà gé tú Zoom account e bõ̀ònatõ̀òí ní ea beè nè vaẹ́ sẹ̀ẹ̀mà nònù íe gã́bug bélè lọl ló, boo béè kọ à válí gè sẹ̀ẹ̀mà nònù vaá sọ̀tọ́ deè kọọ̀ gã́bug nen á bã boo tẽ̀ènè tṍó. Dọ̀ọ̀mà kátogóí, nú ea é sí gá ló 65,000 kà bõ̀ònatõ̀ò e bà di mm̀ dó ea é sígá ló 170 gé tú gbò account e bõ̀ònatõ̀òí beè nè va sẹ̀ẹ̀mà nònù.

 Bõ̀ònatõ̀ò Kairagi, ea di Manado, North Sulawesi, mm̀ dó Indonesia, beè òòà aa ló Zoom account e bà náa é kpẽ́ kpègè lóá vaá tú níí e bõ̀ònatõ̀òí né va sẹ̀ẹ̀mà nonù. Vígà Hadi Santoso beè kọọ̀: “Bã̀àna pá vígà págbálà nè pábia e bà náa ólò láá pàlà ge tú fóòn àbèè kòmpútà siimá tóm a láá dé kpéè ló bẹẹ gbò nònù, boo béè kọọ̀ ba account náa é dõogẽ aa boo tṍó e nònù di-dí boo.”

 Vígà Lester Jijón, Jr., ea dú neǹ kànen mm̀ bõ̀ònatõ̀ò Guayacanes Oeste Congregation ea di Guayaquil, mm̀ dó Ecuador, beè kọọ̀: “Boo béè kọọ̀ gã́bug pá vígà págbálà nè pábia náa íe kpègè, náa gáẹ̀ beè valí kọọ̀ beélè bõ̀ònatõ̀ò á láá zalí account boo Zoom ge sẹ̀ẹ̀mà nònù naaní e dénè nen é láá gbá sì. Vóà naa, m̀ ṍà zaà bõ̀ònatõ̀ò ló gè nèi Zoom account, ea náa kọọ̀ gã́bug nen á láá zọ̀i sí bẹẹ gbò nònù tenmá boo ba fóòn àbèè kòmpútà, e pọ̀ náa síínái kọọ̀ àé aa boo tṍó e nònù gáà zààlà.”

 Vígà Johnson Mwanza, ea dú neǹ kànen mm̀ bõ̀ònatõ̀ò Ngwerere North ea di Lusaka, mm̀ dó Zambia, beè emí kọọ̀: “Aa tṍó dọ tṍó, gã́bug pá vígà a kọ́ọ̀, ‘ge sí nònù tenmá boo Zoom a náa kọ pá vígà á láá tõo ba kpàn ene, ní ea palàge bọọ dú gè kọọ̀ è monì bé e Jìhóvà palàge vùlèi vaá ẹ̀b nú ea kilíí ló naa.’ ”

 Kpègè ea dú dẽè gbò kpègè e pá vígà beè lọ̀là mm̀ ge nvèèmà bá nè pá vígà e bùló kyọ̀àsĩ́ nu nááá ló ní e beè zalmá gbò account Zoomí ẽ́. Gbò kpègèí dṹùnà lọ̀là-lọ̀là ge nvèèmà saa kúm sìtóm kọ̀ kpẹ̀a beeá ló bàlà booí. A beè dú gè nè gã́bug lọ̀là-lọ̀làí tenmá boo donate.jw.org. È ṍài zaa ló bọọ gè dõo nu taalẹ bá, ea náa nagé kọ é láá nvèè bá nè gbò e nu kọa ló beeá ló bàlà booí.—2 Kọ́rìnt 8:14.