TE TAUA-N-TANTANI Na. 1 2023 | Marurungin te Iango—Te Ibuobuoki Man te Baibara
Ni katobibia te aonnaba ao a rotaki mirion ma mirion aomata n aorakin te iango. Iai kanikinaean te aoraki ae karawawata aei irouia ataei ao kaara n aki ongei aia reirei ao aia karekemwane, aia reeti ao aia aaro aika kakaokoro, ake a kabokorakora ma ngaai. Baikara aorakin nako te iango, ao tera aron rotakia aomata iai? E na maroroakinaki n te maekatin aei kakawakini karekean te bwainnaoraki ao aron naba te Baibara ni kona ni buokia aika rotaki n aanga aika manena.
Te Kangaanga ae Kabuta ni Kaineti ma te Iango
E kona aorakin te iango n rotiia aomata aika kaokoro aia ririki ke rikiaia. Nora aron ana kairiri te Baibara ni kona ni buoka marurungin am iango.
E Tabeakiniko te Atua
E aera bwa ko kona ni kakoauaa raoi bwa e bon atai am iango Iehova ae te Atua ao am namakin nakon temanna riki?
1 | Te Tataro—“Kabanei Ami Iango n Raraoma ni Kaaki i Aona”
Ko boni kona n tataro nakon te Atua n taekina tabeaiangan am iango ao raraomam? Tera aroni kakawakin te tataro ibukia naake a rotaki n te raraoma?
2 | “Te Kabebeteaki Man te Koroboki ae Tabu”
E anga te Baibara te kantaninga ae koaua bwa n te tai ae imwaira ti nang aki rinanon rawawatan te iango ao te namakin.
3 | Kakabwaia Mani Katoto Aika n te Baibara
A kona rongorongoia mwaane ao aine n te Baibara aika a rinanon naba namakin n ai arora, ni buokira n ataia bwa ti aki tii ngaira ni kaaitara ma namakin aika aki raoiroi.
4 | E Anga te Taeka n Reirei ae Manena te Baibara
Nora aron iaiangoan kiibu aika n te Baibara ao katean tiia ake ko kona n uaiakin, ni buokiko ni kaaitarai kangaanga ni kaineti ma aorakin am iango.
Aroni Buokaia Naake Iai Aorakin Aia Iango
E kona am boutoka ni buoka raoraom ae kaaitara ma aorakin te iango.
