Ès moun mouri pouvé vréman rouvini a lavi ?
Ès ou té ké di..
-
wi ?
-
non ?
-
pétèt ?
SA LABIB-A KA DI
« I ké gen roun rézirèksyon » (Actes 24:15, Traduction du monde nouveau).
SANS SA POUVÉ GEN POU OU
Konsolasyon lò moun nou kontan mouri (2 Corinthiens 1:3, 4),
Moun pa ké pè lanmò ankò (Hébreux 2:15),
Roun vré èspwar di rouwè nou moun mouri (Jean 5:28, 29).
ÈS NOU VRÉMAN POUVÉ KRÈ SA LABIB-A KA DI ?
Wi, pou omwens trwa rézon :
-
Bondjé sa Kréyatèr di lavi-a. Labib-a ka aplé Bondjé Jéova « sours lavi-a » (Psaume 36:9 ; Actes 17:24, 25). Sa-la ki bay tout kréyatir ki ka viv lavi, vréman pouvé roubay moun ki mouri lavi.
-
Bondjé té ja résisité moun anvan. Labib-a ka palé di istwè wit moun (jenn, vyé, mouché, madanm) ki résisité pou viv anlè latè-a. Sèrten annan yé pa té mouri dépi lontan, mé i té gen roun ki té mouri dépi kat jou ! (Jean 11:39-44).
-
Bondjé présé fè sa ankò. Jéova rayi lanmò ; i ka wè li kou roun lèlmi (1 Corinthiens 15:26). I vréman lé gangnen sa lèlmi-a, détrwi lanmò-a gras a rézirèksyon-an. I enpasyan di résisité tout sa ki annan so mémwar é di rouwè yé viv anlè latè-a (Job 14:14, 15).
RÉFLÉCHI ASOU SA
Poukisa nou ka vin vyé épi nou ka mouri ?
Labib-a ka réponn sa késyon-an an GENÈSE 3:17-19 é an ROMAINS 5:12.
Gadé osi...
ANSÈYMAN ASOU LABIB-A KI ENPÒRTAN
Kisa ki ka pasé lò nou ka mouri ?
Labib-a ka promèt ki roun jou roun lo moun ké résisité, kou Lazar.
KIMOUN NOU SA ?
Poukisa étidyé Labib-a ?
Labib-a ka bay milyon moun annan monn-an répons anlè gran késyon lavi-a. Ès ou té ké lé sa roun annan yé ?
ANSÈYMAN LABIB-A
Éséyé nou léson asou Labib-a
Ou pouvé étidyé Labib-a ké roun moun pou idé ou san ou pa bézwen péyé.
