VEISURETI INA IVAKANANUMI
Ena Vakaotia o Jisu na Dravudravua
Ni se bula e vuravura o Jisu, dua na ka na levu ni nona lomani ira na tamata vakauasivi o ira na dravudravua kei ira na rarawa. (Maciu 9:36) E solia mada ga na nona bula ena vukudra eso tale. (Maciu 20:28; Joni 15:13) Sa voleka na gauna me vakaraitaka tale kina nona lomani ira, ya ni sa na Tui ni Matanitu ni Kalou ena qai vakaotia na dravudravua e veiyasa i vuravura.
E vakamacalataka vakaserekali na iVolatabu na ka ena vakarau cakava o Jisu:
“Me taqomaki ira na vakaloloma ena kedra maliwa na tamata, me vakabulai ira na luvedra tagane na dravudravua.”—Same 72:4.
Eda na vakaraitaka vakacava noda vakavinavinakataka na ka kece e cakava o Jisu ena vukuda, kei na ka ena vakarau cakava? Ena Luke 22:19, e kaya o Jisu vei ratou nona imuri me ratou vakananuma nona mate. Qori na vuna era dau vakananuma kina e veiyabaki na iVakadinadina i Jiova na siga ni nona mate o Jisu. Keimami sureti iko mo mai tomani keimami ena iVakananumi ni mate i Jisu, ena vakayacori tiko ena Sigatabu na ika24 ni Maji, 2024.