Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Saumi na Taro Vakaivolatabu

Saumi na Taro Vakaivolatabu

E rawa ni dua na vuravura me sega kina na dravudravua?

Ena vakaotia vakacava na dravudravua e vuravura na Kalou?Maciu 6:9, 10.

Na bula dravudravua e vakavuna nodra mate e vica vata na milioni e veiyabaki nira kana vakaca, ra qai tauvimate. Eso na vanua e vuravura era sa vakatorocaketaki tu, ia e dua na iwase levu ni kawatamata era se bula dravudravua tiko ga. E vakaraitaka na iVolatabu ni bula dravudravua e dua na leqa eda sega ni walia rawa tiko.Wilika Joni 12:8.

Me vakaoti na bula dravudravua, ena vinakati e dua na matanitu me lewa e vuravura. Me na tiko vua na kaukaua, me wasea vakatautauvata na veika eda rawa ni bula kina, qai vakaotia na ivalu e dau vakavuna vakalevu na dravudravua. E yalataka sara ga na Kalou e dua na matanitu va qori.Wilika Taniela 2:44.

O cei e rawa ni vakaotia na dravudravua?

Na Kalou e lesi Luvena, o Jisu, me liutaka na kawatamata kece. (Same 2:4-8) Ena vakabulai ira na dravudravua o Jisu, ena vakaotia tale ga na veivakasaurarataki kei na ivalavala kaukaua.Wilika Same 72:8, 12-14.

Sa parofisaitaki oti tu ni o Jisu e “Turaga ni Sautu.” Ena qai vakataudeitaka e vuravura na bula sautu kei na nuidei. Era na qai dui tawana ga na nodra vale na bula e vuravura, ra marautaka na nodra cakacaka, levu tale ga na kakana.—Wilika Aisea 9:6, 7; 65:21-23.