Nzame aa kômô naa, bôr be ning mevakh été a si va. A nga vele si ye é biôm bise bi ne été akal naa aa nyeghe bia. A nkun zu bo naa bôr be ye mesi mese, be ning mbeng melu ma zu. A ye bia mane vaa é mam mese ma ve naa minzukh mi bo.​—A lang Jérémie 29:11.

Édjiè ézing y’a si déé bele ki ngul ye naa é ne vaa nget, ôkoan, nge ki awu. Ve mbemba mefuèñ me ne : a lighe-yang étun, Nzame a nkune zu vaa bidjiè bibôt, ye tele éé dzèñ. Ayong bôr dèñ da ye ning awokhghan été y’a mvoghe été.​—A lang Ésaie 25:8 ; 33:24 ; Daniel 2:44.

Minzukh mia ye man foghe v’éyong Nzame a ye mane vaa mbimbia bebôt a si va (Sophonie 2:3). Dzam te da ye boban ôden? É mam ma ve naa si é wu ntuk abong di, me nga bem tobe ntsilan a kalare Nzame ba luè na Bible, été. Mefuèñ me ye émo ma lere naa, awôla Nzame é ntoo bebéñ.​—A lang 2 Timothée 3:1-5.

Nge bia kômô yem Nzame, bia yiane yeghe Bible. Abak te é ne ane kalare aa so ébe ésaa a ne ényeghe a nga tsile bia. Aa dzô bia é dzam é ne bia vole naa bi yem ning éyong di, ye édi é ne bo naa bi ning mbèmbèè a si va, melu ma zu. Ngeng ézing bôr b’ézing baa ye ki nyeghe naa be vole wa naa ôô tugha wokh Kalare Nzame. Ve ô taa likh naa ô dzimle mbemba éyong é ne ve naa ôô yem ning melu ma zu.​—A lang Minkana 29:25 ; Melere 14:6, 7.