DIBE̱LE̱ 1

Botea o mińa ma Heno̱k nate̱na o pond’a bakaisedi

Din dibe̱le̱ di makwalea nde ońola byembilan bende̱ne̱ bō̱ ba dube̱ na ba ngiń’a mulema, botea na Heno̱k nate̱na o pond’a muto̱ped’a mudī Samuel.

Dibe̱le̱ 1 Mutila mu malee̱ ponda

Mutila mu malee̱ pambo a ponda ńa longe̱ la bato be o Bibe̱l na maduta ma mambo ma mweńa ma Bibe̱l mena ma bolan.

1 HENO̱K

A dango na Loba

Heno̱k a ta diwengisan jita na bato ba ta longe̱ o mińa mao o mbadi iba. Ne̱ni a we̱lino̱ bola nika e? Nje eno̱ ná okwe̱le̱ biso̱ jombwea ngiń’a mulema e?

2 NOA

A kwese̱ wase muka

O njika mbadi pond’asu ńeno̱ ka o mińa ma Noa e? E̱ne̱ ne̱ni weno̱ ná wembilane̱ ngiń’a mulema ńa Noa o longe̱ lo̱ngo̱.

3 SARA

A bangi jombwa ombusa

O njika mbadi Sara a lee̱le̱no̱ dube̱ na ngiń’a mulema e?

4 ABRAHAM

Mot’a boso o jana bila ońola Yehova

Nje jeno̱ ná jokwa na mbadi Abraham a tano̱ a le̱le̱me̱ o sunga Lot mun’a munańango ao e? Ne̱ni Yehova e̱nno̱ ngiń’a mulema na dube̱ a lee̱le̱no̱ e?

5 ABRAHAM

A lembe̱ kekise̱ di buki me̱se̱ o longe̱ lao

Ne̱ni jeno̱ ná jembilane̱ ngiń’a mulema ńa Abraham o sengane̱ Loba e? Nje min myango mi mokwe̱le̱no̱ biso̱ jombwea ndol’a Yehova e?

6 REBEKA

Alo o ekombo a si bino̱

Rebeka a ta nde mut’a ngiń’a mulema ńa mańaka na ńa jemea. Nje jeno̱ ná jokwa n’eyembilan ao e?

7 YAKOB

A le̱ke̱ye̱ kwedi bwanga o tata mbia mao

Ne̱ni eyembilan a Yakob e mabolano̱ wa mbaki ná wangame̱n jana ná Yehova a namse̱ wa e?

8 YOSE̱F

A lembe̱ makekisan

E̱ne̱ ne̱ni eyembilan a Yose̱f yeno̱ ná yongwane̱ wa o lembe̱ makekisan na we̱lisane̱ mitakisan.

9 SIFRA, PUA, AMRAM, YOKEBE̱D, NA MIRIAM

‘Ońola dube̱ nde Mose a wutabe̱no̱’

Bayesedi, bayedi ba Mose, na munańango ao ńa muto ba lee̱le̱ dube̱ na ngiń’a mulema ninde̱ne̱. Ne̱ni jeno̱ ná di bola ka babo̱ e?

10 MOSE

A no̱ngi bedomsedi ba bwam

Njika bedomsedi Mose a no̱ngino̱ na ońola nje pe̱ e? Nje jeno̱ ná jokwa n’eyembilan ao e?

11 MOSE

“Ala omboa Farao”

Ne̱ni nje e po̱yedi Mose yeno̱ ná e bola biso̱ mbaki ná Yehova a me̱nde̱ sue̱le̱ biso̱ to̱ e be̱ nde ná di si mo̱nge̱le̱ ná di dongame̱n o bola ebolo a bake̱no̱ biso̱ e?

12 KALEB

A bengi be̱ Loba lao jemea

E̱ne̱ ne̱ni eyembilan a Kaleb yeno̱ ná yongwane̱ biso̱ o jalea ńolo ná di si “lata n’ebimbe̱” o nje ye bobe.

13 YOSUA

A bupe̱ bediedi be ta mańaka

Njika bediedi bena be ta mańaka Yosua a kusane̱no̱ Yehova e? O njika bete̱medi jeno̱ ná di bupe̱ eyembilan a Yosua e?

14 RAHAB

A po̱si Yehova ka Loba lao

Nje jeno̱ ná jokwa n’eyembilan a Rahab e? Ne̱ni dube̱ lao na ngiń’ao ńa mulema ba namsabe̱no̱ e?

15 NAEMI NA RUT

Ba lembe̱ mbeu a ńolo mwemba

O njika mbadi Naemi na Rut ba lee̱le̱no̱ ngiń’a mulema e? Njika belēdi jeno̱ ná jokwa n’eyembilan abu e?

16 BARAK NA DEBORA

“E, na mala mwemba na wa”

Barak a langwedi Debora ná ale mwemba na mo̱ o bwemba. Mo̱ nik’e ta nde e lee̱ ná a bo̱bi nga ná a be̱n dube̱ dinde̱ne̱ e?

17 YAEL

“A sesabe̱ buka bito be̱se̱”

Ngiń’a mulema ńa Yael te̱nge̱ne̱ musinged’a Yehova e bian nate̱na bon ba we̱nge̱. Ońola nje di be̱nno̱ ńo̱ng’a ngiń’a mulema ka mo̱ we̱nge̱ buka o pond’a kwaṅ e?

18 GIDEON

Ngiń’a mulema na jangwa

O njika bete̱medi yeno̱ ná e pula ná di be̱ ngiń’a mulema na jangwa e?

19 YEFTA NA MUN’AO ŃA MUTO

Ba londise̱ kakane̱ le ndutu

Ne̱ni eyembilan a Yefta na mun’ao ńa muto yeno̱ ná yongwane̱ biso̱ we̱nge̱ e?

20 SIMSON

A lee̱le̱ ngiń’a mulema o ponda a tano̱ a bo̱bo̱

Nje jeno̱ ná jokwa na mambo Simson a bolino̱ ombusa mo̱ po̱ngo̱ diwuse̱ e?

21 SAMUEL

Muna nu bīse̱ mwe̱ndi ma Yehova na ngiń’a mulema

Njika ponda e mapulano̱ eso̱mb’a moto ngiń’a mulema o bola nje e te̱nge̱n e?

DIBE̱LE̱ 2

Botea o pond’a kiṅe̱ nate̱na o longabe̱ la Yerusalem peńa

Din dibe̱le̱ di makwalea nde ońola bato ba kwaṅ ba lee̱le̱ dube̱ na ngiń’a mulema, botea na Yonatan, mun’a kiṅe̱ Saul, denge̱ kiṅe̱ David, nde di bo̱le̱ na tumba la Loba lena di wu o mikoma o Babilon, nde di longa pe̱ Yerusalem peńa.

Dibe̱le̱ 2 Mutila mu malee̱ ponda

Duta di malee̱ pambo a ponda ńa longe̱ la bato bena be o Bibe̱l na maduta ma mambo ma mweńa ma bolan botea o pond’a kiṅe̱ nate̱na o longabe̱ la Yerusalem peńa.

22 YONATAN

A ta a be̱ne̱ ńo̱ng’a ngiń’a mulema o be̱ jemea

Yonatan an ewe̱nji o be̱ jemea. Ne̱ni a tano̱ a bia na nja a tano̱ angame̱n be̱ jemea e? Ne̱ni jeno̱ ná jembilane̱ mo̱ e?

23 DAVID

A ta a te̱me̱ te̱nge̱ne̱ ńamb’a moto

David a ta a biane̱ ka ‘mot’a bwemba ńe ngiń’a mulema.’ Ne̱ni eyembilan ao e membe̱no̱ bane̱ e? Ne̱ni ngiń’ango̱ ńa mulema e be̱nno̱ ngińa omo̱ń a bane̱ e?

24 ABIGAIL

A so̱be̱ oteten a bome baba ba lingi

Nje bito ba babe̱ na bome ba bai beno̱ ná bokwa na myango ma Abigail e?

25 DAVID

Ngiń’a mulema ni diabe̱le̱ na doi la mulema

David a ta o bete̱medi ba kuna mo̱me̱ne̱. Nje yeki mo̱ o bola nika e? Ne̱ni jeno̱ ná di bupe̱ eyembilan ao e?

26 NATAN

A te̱se̱ mo̱nge̱le̱ ma kiṅe̱

Nje eyembilan a Natan e mokwe̱le̱no̱ biso̱ jombwea ne̱ni jongwane̱ diko̱m di po̱ngi diwuse̱ dinde̱ne̱ e?

27 MEFIBOSET

A bangi timba njongi

Njika belēdi be membe̱ jeno̱ ná jokwa na Mefiboset e?

28 ASA

A boledi Yehova “longe̱ lao le̱se̱”

Njika belēdi jeno̱ ná di busane̱ o myango ma moto ńena nu boledi Yehova na mulema mwe̱se̱ e?

29 ELIA

“Yehova nde e Loba lam”

Nje yongwane̱ Elia o buka bo̱ngo̱ bao e?

30 MUKUSA MA MUTO MA SAREPTA

A lee̱le̱ ngiń’a mulema oboso ba mitakisan

Ne̱ni myango mao mi matute̱le̱no̱ biso̱ o lakisane̱ Yehova e?

31 NGO̱NDED’A ISRAEL

Muna ńe o mukoma a to̱pi jombwea Loba lao

Yen eyembilan a ngo̱nded’a muna ye ná e bola wa ngiń’a mulema o te̱ dikalo, to̱ ponda o mabwano̱ bo̱ngo̱.

32 ELISA

“A Yehova, son, tele̱ mo̱ miso̱”

O njika bete̱medi je̱ne̱ la ange̱l na miso̱ masu ma dube̱ leno̱ ná lembe̱ biso̱ e?

33 YEHOYADA

A tati kiṅe̱ Yehova a po̱sino̱

Njika lambo Yehoyada a bolino̱ na ngiń’a mulema ńe̱se̱ e? O njika mbadi weno̱ ná wembilane̱ ngiń’ao ńa mulema o longe̱ lo̱ngo̱ e?

34 HISKIA

“A ta a tingame̱ na Yehova”

Hiskia a lee̱le̱ ngiń’a mulema ninde̱ne̱ na dube̱. Ne̱ni jeno̱ ná jembilane̱ mo̱ we̱nge̱ e?

35 MANASE

Ngiń’a mulema o jate̱le̱

Ońola nje Manase eno̱ o muso̱ngi ma byembilan ba bwam ba ngiń’a mulema e?

36 YOSIA

A tute̱le̱ tumba o timba na Yehova

To̱ná a lembe̱no̱ mitakisan ke̱ e muna, Yosia a lee̱le̱ ngiń’a mulema ninde̱ne̱ o sue̱le̱ jowe̱ la bosangi. O njika mbadi jeno̱ ná jembilane̱ mo̱ e?

37 DANIEL

“A si ta a pula timbise̱ mo̱me̱ne̱ mbindo”

O njika mbadi beso̱mbe̱ beno̱ ná bembilane̱ ngiń’a mulema na jemea la Daniel e? Ne̱ni biso̱ be̱se̱ jeno̱ ná di tombwane̱ n’eyembilan ao e?

38 BESO̱MBE̱ BA BONAYUDA BELALO

Ba “dimse̱ ngiń’a wea”

Beso̱mbe̱ ba Bonayuda be ta ngiń’a mulema, to̱ oboso ba kwedi. Nje eyembilan abu yeno̱ ná yokwe̱le̱ biso̱ jombwea bede̱mo ka sibise̱ la ńolo, pī, na jemea e?

39 ESTE̱R

“Na wedi te̱, ke̱ na mábo̱le̱ nde wo̱”

Este̱r a ta dibie̱ na sengane̱. A we̱li na mo̱me̱ne̱ tapa mulema ma mom’ao ńena nu si ta muboled’a Yehova. Nje jeno̱ ná jokwa n’eyembilan ao e?

40 NEHEMIA

A longi edima peńa

Nje eyembilan a Nehemia e mokwe̱le̱no̱ biso̱ jombwea bolea la Yehova na ngud’asu ńe̱se̱ e? Ne̱ni batudu beno̱ ná bembilane̱ mo̱ e?

DIBE̱LE̱ 3

Pond’a Mesia na bokwedi bao

Din dibe̱le̱ di makwalea nde ońola myango ma bato ba lee̱le̱ dube̱ na ba ngiń’a mulema o ebwe’a mbu yaboso, di be̱n myango ma ngo̱nded’a Bonayuda ni belabe̱ ná Maria; di makwese̱ pe̱ nde na myango ma ńamuloloma Yohane.

Dibe̱le̱ 3 Mutila mu malee̱ ponda

Mutila mu malee̱ pambo a ponda ńa longe̱ la bato be o Bibe̱l bena Dibe̱le̱ 3 di makwaleano̱. Mu makika pe̱ mambo mō̱ ma mweńa ma bolan botea o pond’a Mesia nate̱na o su la longe̱ la ńamuloloma Yohane.

41 SAKARIA NA ELISABET

“Ba ta ba te̱me̱ ná sim oboso ba Loba”

Ońola nje Yehova a tano̱ e̱ne̱ Sakaria na Elisabet ka bate̱m ná sim e? Ne̱ni biso̱ pe̱ jeno̱ ná jembilane̱ babo̱ e?

42 MARIA

A lee̱le̱ ngiń’a mulema o jemea ebol’a mweńa

Maria a ta bakabe̱ ebol’a tobotobo nde yena e ta bodilo jita. Owe̱ni a kusino̱ ngiń’a mulema o londise̱ mo̱ nate̱na o su e?

43 YOSE̱F

A boli ebol’ao bwam

Ne̱ni Yose̱f eno̱ eyembilan a bwam ońola kriste̱n ye basango ba mbia we̱nge̱ e?

44 YOHANE MUDUBISEDI

“To̱ mō̱ nu buki Yohane a titi”

Yohane a ta nde mot’a ngiń’a mulema nu ta nu be̱ne̱ longe̱ di wam. E̱ne̱ nje jeno̱ ná jokwa na mo̱.

45 PETRO

“Ne mot’a bobe”

Nje jeno̱ ná jokwa na Petro jombwea ne̱ni benga bolea Yehova to̱ na mawuse̱ masu e?

46 MARIA ŃA MAGDALA

“Ne̱n Sango!”

Maria a bolane̱ longe̱ lao o jongwane̱ Yesu na bokwedi bao. Ne̱ni jeno̱ ná di lee̱le̱ nded’a mulema na ngiń’a mulema kapo̱ ka mo̱ e?

47 MARIA, MUNAŃANGO A LASARO

“A boli nje a we̱lino̱”

Yesu a sesi Maria munańango a Lasaro ońola dube̱ lao na ngiń’ao ńa mulema. O njika mbadi a lee̱le̱no̱ ngiń’a mulema e? Ne̱ni jeno̱ ná jembilane̱ mo̱ we̱nge̱ e?

48 STEFANO

“A londi na dube̱ na mudī musangi”

Stefano a so̱be̱ o bekaisedi ońola longe̱ lao. Ne̱ni a lingedino̱ dube̱ lao e? Ne̱ni eyembilan ao yeno̱ ná yongwane̱ biso̱ o benga be̱ bato ba jemea e?

49 PETRO

A timbi dale

Ne̱ni eyembilan a Petro e mongwane̱no̱ biso̱ o lakisane̱ Yehova na o buka bo̱ngo̱ basu e?

50 SAULO ŃA TARSO

A timbise̱ mo̱nge̱le̱ mao peńa

Nje e tute̱le̱ nu musinged’a kriste̱n nunde̱ne̱ o tukwa longe̱ lao e? Njika belēdi jeno̱ ná di busane̱ n’eyembilan ao e?

51 BARNABAS

“Mun’a belo̱ko̱medi”

Barnabas a wanedi Saulo jongwane̱ a die̱le̱ pe̱ mo̱ omboa bamuloloma. Ne̱ni jeno̱ ná jembilane̱ ngiń’ao ńa mulema na edī ao ya bolea bape̱pe̱ e?

52 MARKO

“E mba jongwane̱ jita”

To̱ na mitakisan Marko a kusino̱, alane̱ ebol’ao oboso na sibise̱ la ńolo, ongwane̱ pe̱ bonasango ao. Nje jeno̱ ná jokwa n’eyembilan ao e?

53 PAULO

“Tatan so̱ na mome̱le̱ bińo̱ ná lembe̱ milema”

Ne̱ni ńamuloloma Paulo a lee̱le̱no̱ ngiń’a mulema o bete̱medi be ta be̱ne̱ne̱ biana dipita to̱ diwo̱ di titi e? Ne̱ni ngiń’ao ńa mulema ńongwane̱no̱ bane̱ e?

54 ŃAMULOLOMA YOHANE

Ngiń’a mulema o pond’a mwititi

Ńamuloloma Yohane a si bo bo̱ngo̱ to̱ bo̱lo̱ne̱ dipita tom. Ne̱ni jeno̱ ná di bupe̱ eyembilan ao na benga dangwa na Loba na ngiń’a mulema e?

BEKWESEDI

“Be̱ne̱ mulema ma mbaki”

Bibe̱l e londi na myango ma bome na bito, beso̱mbe̱ na badun bena ba lee̱le̱ ngiń’a mulema o be̱ Yehova jemea. Myango mabu me ná mi tute̱le̱ biso̱ o bola mulemlem.

Teten a ngutu