PELAJARAN 24

Ise do Sebenarna Suru-suruan i?

PANGOLU

Di Bibel, digoari do suru-suruan manang malaikat i “anak ni Debata”. (Job 38:7) Jala lomo do roha ni Jahowa molo taboto taringot nasida. Boha do sebenarna didok Bibel taringot suru-suruan? Aha do na boi diulahon nasida tu jolma? Sude do suru-suruan anggota keluarga ni Debata?

1. Boha do didok Bibel taringot suru-suruan?

Nungnga ditoppa Jahowa suru-suruan sebelum ditoppa Ibana tano on. Dang boi nasida diida jala di surgo do nasida tinggal. (Heber 1:13, 14) Marjuta do godang ni suru-suruan, jala dang sarupa sifat ni nasida. (Pangungkapon 5:11) Di Bibel, didok do nasida ‘akka na pasahatton hata ni Jahowa, na toktong mangoloi hatana’. (Psalmen 103:20) Najolo dipakke Jahowa do sipata suru-suruan lao pasahatton hatana, lao mangurupi jolma, jala paluahon akka naposona. Saonari pe, dipakke Jahowa do suru-suruan lao mangurupi halak Kristen asa pajuppang tu akka halak na olo marsiajar Bibel.

2. Ise do Sibolis dohot suru-suruan na jahat?

Adong do suru-suruan na so setia tu Jahowa. Suru-suruan na parjolo mangalo tu Debata “margoar Sibolis dohot Setan. Ibana do na mangaliluhon sude portibi on”. (Pangungkapon 12:9) Ala lomo roha ni Sibolis naeng mamaretta, dipengaruhi ibana ma jolma na parjolo. Dung i dipengaruhi ibana ma muse suru-suruan na asing. Digoari ma nasida suru-suruan na jahat. Nungnga diusir Jahowa nasida sian surgo jala disappatton tu tano on. Satokkin nai, lao dipamate Jahowa ma nasida.—Jaha Pangungkapon 12:9, 12.

3. Songon dia do cara ni Sibolis dohot suru-suruan na jahat mangoto-otoi jolma?

Dipakke Sibolis dohot suru-suruan na jahat do spiritisme lao mangoto-otoi godang halak. Spiritisme, i ma sude ulaon na adong hubunganna tu suru-suruan na jahat. Contohna adong do piga-piga halak na olo manukkun tu datu, tu paranormal, tu halak na mamakke ilmu gaib, dohot tu tukang sihir. Adong do muse halak na lao tu parubat huta tikki marsahit nasida. Jala godang do halak na porsea boi akka datu makkatai tu halak na mate. Alai dipasingot Jahowa do hita, “Unang jalo hamu pangurupion sian halak na boi makkatai tu halak na mate. Jala unang jalo hamu poda sian peramal.” (3 Musa 19:31) Dilehon Jahowa do sipasingot on tu hita asa unang dioto-otoi Sibolis dohot suru-suruan na jahat hita. Alana musu ni Debata do nasida, jala lomo do roha ni nasida mambahen hita marjea.

ASA LAM TAATTUSI

Taparsiajari ma boha do cara ni suru-suruan ni Debata mangurupi hita, aha do bahaya ni spiritisme, jala boha carana asa unang diganggu Sibolis dohot suru-suruan na jahat hita.

4. Dohot do suru-suruan ni Debata mangurupi akka halak mananda Jahowa

Dang langsung suru-suruan ni Debata marbarita tu akka halak. Alai diurupi nasida do naposo ni Debata asa pajuppang tu akka halak na lomo rohana mananda Debata. Jaha Pangungkapon 14:6, 7, dung i bahas ma sukkun-sukkun on:

Boasa porlu hita diurupi suru-suruan tikki marbarita?
Boha do perasaanmuna mamboto na diurupi suru-suruan do hita tikki marbarita?

5. Unang ma ulahon spiritisme

Musu ni Jahowa do Sibolis dohot suru-suruan na jahat. Jala musutta do tong nasida. Jaha Lukas 9:38-42, dung i bahas ma sukkun-sukkun on:

Boha do ngolu ni jolma dibahen suru-suruan na jahat?

Pasti dang olo hita sengaja mambahen diritta diganggu suru-suruan na jahat. Jaha 5 Musa 18:10-12, dung i bahas ma sukkun-sukkun on:

Aha do na dipakke suru-suruan na jahat asa boi makkatai jala mangganggu hita? Molo di ingananmuna, na dia ma na sering diulahon halak?
Masuk akkal do menurut hamu diorai Jahowa hita mangulahon ulaon spiritisme? Boasa?

Putar ma VIDEO, dung i bahas ma sukkun-sukkun on:

VIDEO: “Alo Hamu ma Sibolis” (5:02)

Boasa berbahaya jimat na dipakkehon si Palesa tu boruna?
Aha ma na porlu diulahon si Palesa asa unang diganggu suru-suruan na jahat nasida?

Dialo halak Kristen na sittong do suru-suruan na jahat. Jaha Ulaon ni Apostel 19:19 dohot 1 Korint 10:21, dung i bahas ma sukkun-sukkun on:

Boasa ikkon ditutung sude benda na adong hubunganna tu spiritisme?

6. Boi do hita monang mangalo Sibolis dohot suru-suruan na jahat

Sibolis do pamimpin ni suru-suruan na jahat. Alai si Mikhael do pamimpin ni suru-suruan ni Debata, na laos margoar Jesus. Massai gogo do si Mikhael i. Jaha Pangungkapon 12:7-9, dung i bahas ma sukkun-sukkun on:

Ise do na umgogo? Si Mikhael dohot suru-suruan ni Debata do manang Sibolis dohot suru-suruan na jahat?
Menurut hamu, porlu do halak Kristen mabiar tu Sibolis dohot suru-suruan na jahat?

Boi do hamu monang mangalo Sibolis dohot suru-suruan na jahat. Jaha Jakobus 4:7, dung i bahas ma sukkun-sukkun on:

Boha do carana asa unang diganggu Sibolis dohot suru-suruan na jahat hamu?

ADONG DO NA MANDOK: “Dang sala mar-game manang manonton film na adong hubunganna tu spiritisme. Ai holan hiburan do i.”

Setuju do hamu tu halak na mandokkon songon i?

KESIMPULAN

Diurupi suru-suruan ni Debata do hita. Musu ni Jahowa do Sibolis dohot suru-suruan na jahat, jala dipakke nasida do spiritisme lao mangoto-otoi jolma.

Tinjauan

Boha do suru-suruan ni Jahowa mangurupi akka halak mananda Debata?
Ise do Sibolis dohot suru-suruan na jahat?
Boasa dang boi taulahon spiritisme?

Sae diparsiajari tanggal:

Coba ma jo on

Coba ma jo periksa hamu atik na adong do di jabumuna akka barang na adong hubunganna tu spiritisme. Jala martangiang ma hamu tu Debata asa diboto hamu naeng dihahua hamu barang i.

Manang:

Your other goal