Job 38:1-41
38 Dung i tarbege ma soara ni Jahowa sian bagasan haba-haba lao mangalusi si Job. Didok ma,+
2 “Ise do nuaeng on na mambahen dang takkas sakkappuJala na asal dipandok hatana?+
3 Ale bawa, parade ma dirim.Adong na naeng husukkun tu ho jala ikkon alusanmu do Au.
4 Didia do ho tikki hubahen tano on?+
Paboa jo tu Au molo na diattusi ho do.
5 Molo diboto ho, ise ma na manottuhon ukkuranna,Jala ise ma na manarik tali lao mangukkur i?
6 Di atas ni aha do dibahen tiang panukkol ni tano on,Jala ise do na mambahen batu parsuhi-suhina?*+
7 Didia do ho tikki rap marsurak bintang manogot+ ala marlas ni roha,Jala didia do ho tikki marsurak marlas ni roha sude anak ni Debata?*+
8 Tikki ro aek ni laut sian inganan haroroanna*+Ise ma na boi makkurung i mamakke akka pintu?
9 Didia do ho tikki huulosi laut i mamakke ombunJala tikki hubukkus di bagasan ombun na massai golap,
10 Tikki hubahen batasna,Jala tikki hubahen akka palang dohot akka pintuna?+
11 Didia do ho tikki hudok, ‘Olat ni on ma ho, dang boi be lewat ho sian on,Olat ni on ma galumbangmu na balga i’?+
12 Hea haroa diparettahon ho asa ro ari manogotJala dipaboa ho didia bissar mataniari?+
13 Ho do haroa na manuru i lao tu ujung ni tano onJala na mangusir akka parjahat?+
14 Muba ma tano i songon tano liat na dicap,Jala songon corak ni abit do nasa isina.
15 Alai na lao dibuat do sinondang ni akka parjahat,Jala na lao marujung do hajahaton ni nasida.
16 Hea do haroa ho turun tu haroro ni aek ni lautManang mamareso akka aek na bagas?+
17 Hea do haroa dipatudu tu ho gerbang ni hamatean,+Manang hea do haroa diida ho gerbang ni na massai holom i?+
18 Diboto ho do haroa sadia bidang ni tano on?+
Paboa ma jolo molo diboto ho do sudena i.
19 Diboto ho do haroa sian dia haroro ni na tiur?+
Jala didia haroa inganan ni na holom,
20 Asa boi ditaruhon ho i tu inganannaJala diboto ho dalan lao tu jabuna?
21 Nungnga tubu haroa ho tikki hutoppa i sude manang naung godang haroa umurmu,Umbahen na diboto ho i?
22 Hea haroa masuk ho tu gudang ni salju,+Manang hea haroa diida ho inganan panimpanan ni udan es,+
23 Na husippan lao hupakke tikki masa hasusaan,Tikki masa parporangan?+
24 Sian sabola dia ma haroa marserak na tiur i,Jala sian dia ma haroro ni alogo na sian timur na mangullus tu tano i?+
25 Ise do na mambukka saluran panimpanan ni aek na godang na adong di langitJala na mambahen dalan ni haba-haba na mardongan ombun na golap dohot ronggur?+
26 Ise ma haroa na parohon udan tu inganan na so adong jolma,Tu padang gurun na so adong pangisina,+
27 Lao maniram tano na harsang iJala asa tubu akka rumput?+
28 Adong haroa bapak ni udan,+Manang ise do bapak ni ombun?+
29 Ise ma haroa omak ni es,Jala ise ma na manubuhon salju na turun sian langit+
30 Tikki marpir aek gabe songon batu,Ala nungnga beku+ parginjang ni aek na bagas i?
31 Boi do haroa diikkat ho bintang Kima,*Manang boi do haroa dibukka ho tali ni bintang Kesil?+
32 Boi do haroa diboan ho kaluar akka bintang* di tikkinaManang boi do haroa diboan ho bintang As rap dohot akka anakna?
33 Diboto ho do haroa aturan na dibahen tu langit,+Manang boi do haroa dibahen ho i* mangarajai tano i?
34 Boi do haroa digora ho ombunAsa diparo udan tu ho?+
35 Boi do haroa diparetta ho sillam?
Dung i mulak ma nasida jala dohonon ni nasida ma tu ho, ‘Nungnga diulahon hami tugasnami!’
36 Ise do haroa na mangalehon bisuk tu ombun*+Manang na mangalehon parbinotoan tu akka na di langit?*+
37 Ise ma na marbisuk na boi mangetong ombun,Manang ise ma na tolap mangusehon aek na sian gucci na di langit+
38 Asa gabe gambo akka orbuk iJala asa marsada tano na marhippal?
39 Boi do haroa ho manakkup siallangon ni singaManang mambahen butong akka anak ni singa+
40 Tikki monggop-onggop nasida di asarnaManang tikki martabuni nasida di asarna i?
41 Ise do haroa na paradehon siallangon ni burung gagak+Tikki siok-siok anakna mangido asa diurupi DebataJala lao tusan tuson ala so adong siallangonna?
