6 YATICHÄWI
¿Kunjamatsa jakañ vidajj qalltäna?
Jehová Dios, “jumaw jakañ vida churirïtajja” (Salmo 36:9). ¿Jumajj uk creytati? Ina chʼusataksa vidajj utjkaspa, janis mä lurirejj utjkaspa ukhamwa yaqhep jaqenakajj amuyapjje. Ukhamäspa ukhajj jakañ vidasajj inamayakïspawa. Ukampis Jehová Diosatï vida utjaychi ukhajja, jakañ vidajj mä suma amtampi luratäpachawa. a Bibliarjamajja kunjamsa vidajj utjawayi, kunatsa ukar creysna uka toqenakatwa jichhajj yatjjatañäni.
1. ¿Khitis alajjpachsa aka oraqsa lurawayi?
“Qalltanjja Diosaw alajjpachsa oraqsa luräna” sasaw Bibliajj qhanañchi (Génesis 1:1). Alajjpachasa aka oraqes mä qalltaniwa sasaw jilaparte cientificonakajj sapjje. ¿Kunjamsa Diosajj alajjpachsa aka oraqsa lurawayi? Warawaranaksa, galaxianaksa, planetanaksa, yaqha ukhamanaksa Diosajj ‘chʼamapampiw’ lurawayi, mä arunjja espíritu santopampiw lurawayi (Génesis 1:2).
2. ¿Kuna amtampis Diosajj aka oraq luräna?
Jehová Diosajj ‘janiw aleq ukhamakïñapatak oraq lurkänti, jan ukajj jaqenïñapatakiw luräna’ (Isaías 45:18). Aka oraqjja Diosajj jaqenakan sum jakasipjjañapataki, ukan wiñay jakapjjañapatakiw lurawayi (Isaías 40:28; 42:5 liytʼäta). Yaqha planetanakat sipansa aka oraqejj wali suma lurtʼatawa sasaw cientificonakajj sapjje. Cheqas jaqenakan jakapjjañapatak yaqha planetajj janiw utjkiti.
3. ¿Kunansa jaqenakajj animalanakat mayjätanjja?
Jehová Diosajj aka oraqe lurasinjja, taqe kunatï oraqen utjki ukanakwa lurarakïna. Nayraqatjja alinakampi animalanakamp aka oraqen luräna. “Ukatjja Diosajj jupar uñtasitwa jaqer” lurarakïna (Génesis 1:27 liytʼäta). ¿Kunansa jaqenakajj animalanakat mayjätanjja? Niyakejjay Diosajj jupar uñtasit lurchistojja, jupjam munasiri cheqapar uñjiri ukham luratätanwa. Yaqha arunak parlañ yateqasasa, suma luratanak uñjasasa, musicanak istʼasas kusistʼirwa jupajj lurawayistu. Jaqenakajj taqe kun Luriri Diosar yupaychsnawa, animalanakajj janiw uk lurapkaspati.
JUKʼAMP YATJJATAÑÄNI
Diosaw taqe kunsa lurawayi sañatakejj kuna razonanakas utji, kuntï Bibliajj uka toqet qhanañchki ukarojj kunatsa creysna ukanakatwa jichhajj yatjjatañäni. Ukatjja jaqenakajj kunjam chuymanïktantï ukajj kunsa Diosat yatichistu ukwa yatjjatarakiñäni.
4. Taqe kunas maynin luratawa
Kunanakatï aka oraqen utjki ukanakat yateqasisin jaqenakajj mä kunsa lurapjje ukhajja, wali jachʼañchatäpjjewa. Ukampis ¿khitis cheqpachapun jachʼañchatäñapa? VIDEO uñtasajja aka toqetwa parltʼapjjäta:
-
Diosan luratanakapat yateqasisajja, ¿kunanaksa jaqenakajj lurapjje?
Taqe utajj maynin luratawa. Ukampis ¿khitis taqe kunanakatï aka oraqen utjki ukanak luri? Hebreos 3:4 liytʼasajja aka toqetwa parltʼapjjäta:
-
¿Diosan luratanakapat kawkïris jumar wal musparaytamjja?
-
Kunanakatï alajjpachansa aka oraqensa utjki ukanakajja, ¿kunatsa maynin lurtʼatawa sasin creysna? ¿Kunatsa ukham amuyta?
¿Yatiyätati?
Uka toqet jukʼamp yatiñatakejja, Internetan jw.org cheqanwa qellqatanaksa videonaksa jikjjatasma, ukatakejja “¿Lo diseñó alguien?”, “Opiniones sobre el origen de la vida” siski uka cheqanakaruw mantasma.
“Taqe utajj maynin luratawa, ukampis taqe kunas Diosan luratawa”.
5. Diosan luratanakapat kuntï Bibliajj qhanañchki ukajj cheqawa
Génesis libron nayrïr capitulopajja kunjamatsa aka oraqejj utji, kunanakas aka oraqen utji taqe ukanakatwa qhanañchi. ¿Ukajj cheqäpachati jan ukajj aleq cuentokïpachacha? VIDEO uñtasajja aka toqetwa parltʼapjjäta:
-
Aka oraqesa kunanakatï aka oraqen utjki ukanakasa, ¿24 horanakani sojjta urunakanwa lurasiwayi sasinti Bibliajj yatichpacha?
-
¿Bibliajj taqe kunas Diosan luratawa siski ukarojj jumajj creytati? ¿Kunatsa ukham amuyta?
Génesis 1:1 liytʼasajja aka toqetwa parltʼapjjäta:
-
Cientificonakat jilapartejja, alajjpachasa aka oraqes mä qalltaniwa sasaw sapjje. ¿Kuntï jupanakajj amuyapki ukajj Biblian liytʼktan ukampejj pachpakiti?
Yaqhep jaqenakajja Diosajj nayraqat mä celulaksa lurkaspa, qhepat uka celulas kunaymani jakirinakar evolucionkaspa ukhamwa amuyapjje. Génesis 1:21, 25, 27 liytʼasajja aka toqetwa parltʼapjjäta:
-
Chawllanaksa, animalanaksa, jaqenaksa, ¿Diosajj evolución toqew utjayäna sasat Bibliajj yatichpacha? ¿Jan ukajj Diosach ‘kunayman kasta’ jakirinakar lurawaypacha?
6. Jaqenakajj Diosan yaqha luratanakapampejj janiw igualäktanti
Jaqenakajj janiw animalanakamp igualäktanti. Génesis 1:26 liytʼasajja aka toqetwa parltʼapjjäta:
-
Jaqenakajj Diosar uñtasit luratätanwa, ukatwa munasiri sinttʼasiri ukhamätanjja. ¿Jehová Diosajj kunjam chuymanïtapsa ukajj uñachtʼayistu?
YAQHEPANAKAJJ AKHAM SAPJJEWA: “Bibliajj Diosaw taqe kunsa lurawayi siski ukajj aleq cuentokiwa” sasa.
-
¿Jumajj uka toqet kamsasmasa? ¿Kunatsa ukham amuyta?
¿KUNSA YATEQAWAYTAN?
Jehová Diosaw alajjpachsa, aka oraqsa ukhamarak kunanakatï ukan utjki ukanaksa lurawayi.
Amtañataki
-
¿Kunjamatsa Bibliarjamajj alajjpachasa aka oraqes utjawayi?
-
¿Kunayman jakirinakaru evolucionapjjañapatakejj Diosajj celulanakakti lurawaypacha, jan ukajj Diosach taqe jakirinakar lurawaypacha?
-
¿Kunansa jaqenakajj Diosan yaqha luratanakapampejj jan igualäktanjja?
JUKʼAMP YATJJATAÑAMATAKI
Kunanakatï aka oraqen utjki ukanakajj mä luririniwa, ukanakat mä qhawqhanak yatjjatam.
“¿Qué nos enseña la naturaleza?” (¡Despertad!, septiembre 2006)
Bibliarjamajj Diosaw taqe kunsa lurawayi sasajj kunjamsa mä awkejj wawapar yatichaski uk videon uñtam.
Evolución toqew vidajj utjawayi sasin sapki ukampi, Bibliajj qhanañchki ukampejj pachpakiti janicha uk yatjjatam.
“¿Creó Dios los distintos tipos de seres vivos mediante la evolución?” (Artículo de jw.org)
Chʼakhanak jikjjatasiwayki ukasa kuntï cientificonakajj sapki ukasa, vidajj ina chʼusatak uñstatapti uñachtʼayi jan ukajj maynin luratätapcha uñachtʼayi, uka toqet yatjjatam.
El origen de la vida. Cinco cuestiones dignas de análisis (Folleto)
a Diosajj jaqenakatak kuna amtanisa ukajja, 25 yatichäwinwa qhanañchasi.
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
