Kunanakas utji uk yatiñataki

Jumajj invittʼatätawa

Jesusan jiwatap amtañataki

Sábado 12 de abril, 2025

Aka pä tantachäwinakaruw invittʼapjjsma

Mä suma discurso

“¿Kunatï cheqäki uk jikjjatsnati?”

Kunatï cheqäki uka toqet Jesusajj kamsänsa ukat kawkinsa jikjjatsna uka toqet kamsarakïnsa ukanakwa yateqäta.

Kawkjanakansa mä suma discursojj arstʼasini

Jesusan jiwatap amtañataki

Uka wakiskir tantachäwinjja, Jehová Diosan Testigonakapajj kunjamtï Jesusajj maykäna ukarjamaw jiwatap amtapjjta (Lucas 22:19).

Yaqhepajj akham sasaw jisktʼasipjje

¿Khitinakas saraspa?

Taqeniw jutapjjasma, familiamas invittʼatawa.

¿Qhawqha tiempos uka tantachäwejj apasini?

Mä suma discursojj media horaw arstʼasini. Ukjjarojj mä horaw Bibliat apstʼat mä yatichäwit tantachasirinakamp yatjjatasini.

Jesusan jiwatap amtañatak tantachäwejj niya mä horäniwa.

¿Kawkjansa uka tantachäwinakajj apasini?

Uk yatiñatakejja, “Kawkjanakansa Jesusan jiwatapajj amtasini” jan ukajj “Kawkjanakansa mä suma discursojj arstʼasini” siski ukar mantam.

¿Uka tantachäwinkañatakejj pagañati?

Janiwa.

¿Uka tantachäwin qollqejj mayisiti?

Janipuniw tantachäwinakan qollq mayipkti (Mateo 10:8).

¿Kunjam isthaptʼat sarañas wakispacha?

Jehová Diosan Testigonakapajj wali amuyumpi sum isthaptʼasiñatakiw chʼamachasipjjta.

¿Kunjamas uka tantachäwejj apasini?

Tantachäwi qalltañatakejj mä cancionaw cantasini, ukatjja mä oracionaw lurasini. Ukjjarusti kunatsa Jesusan jiwañapajj wakisïna, kuntï Jehová Diosampi Jesucristompejj jiwas layku lurawayapki ukajj kunjamsa yanaptʼistu, uka toqenakatwa mä discursojj arstʼasini. Tukuyañatakejj mä cancionaw cantasini, ukjjarojj mä oracionaw lurasirakini.

Jukʼamp yatiñatakejja, “¿Por qué los testigos de Jehová celebran la Cena del Señor de forma diferente a otras religiones?” sat yatichäwi liytʼasma.

Jutïr maranakanjja, ¿kuna fechanakansa Jesusan jiwatapajj amtasini?

2025: sábado 12 de abril.

2026: jueves 2 de abril.

2027: lunes 22 de marzo.

Jukʼamp yatjjatañatakejja, aka videonakwa uñtasma:

Jesusan jiwatap amtapjjañäni

Uka videonjja, kunjamsa Jesusan jiwatapajj amtasi, ukat jupan jiwatapat kunjamsa jutïrin jakasjjañäni ukaw qhanañchasi.

¿Kunatsa Jesusajj jiwäna?

Juchanakas layku Jesusan jiwatap taqeniw yatipjje. Ukampis ¿kunjamsa mä chachan jiwatapajj walja millón jaqenakar yanaptʼaspa?

¿Kunjamsa tantachäwinakajj apasi?

Tantachasipjjta uka Salones del Reino utanakajj kunjamasa, kuns ukan lurapjjta uk yatiñatakejj uka video uñtam.

Aka invitación apaqasajj imprimirakismawa.