2018 ЈЫЛДА чаган айдыҥ 24 кӱнинде, средада эртен тура, США-дагы ла Канададагы Бет-Элдиҥ билелерине, Кеннет Кук ака Иегованыҥ Керечилериниҥ Башкару јӧбине кирген деп, јаан јар айдылган.

Кук аканыҥ чыккан-ӧскӧн јери США, Пенсильвания штат. Ол чындыкты кожо ӱренип турган баланаҥ школды божодор алдында уккан. Соондо 1980 јылда кичӱ изӱ айдыҥ 7 кӱнинде сууга чӧҥӱрилген. 1982 јылда сыгын айдыҥ 1 кӱнинде Кук ака пионер болуп баштаган, а 1984 јылда ӱлӱрген айдыҥ 12 кӱнинде Уолкиллдеги (Нью-Йорк штат) Бэт-Элде иштеп баштаган.

Бу ӧйдӧҥ ала 25 јылдыҥ туркунына Кук ака Бэт-Элдиҥ типографиязында ла бюрозында башка-башка јакарулар бӱдӱрген. 1996 јылда ол Джейми эјени алган, анайып олор Уолкиллдеги Бет-Элде кожо иштеп баштаган. 2009 јылдыҥ јаҥар айында олорды Паттерсондогы (Нью-Йорк штат) Каруулчы Шибеениҥ Ӱредӱлӱ тӧс јериндӧӧн (Учебный центр) кӧчӱрип ийген. Ондо Кук ака кычыраачыларла бичижетен отделде иштеп баштаган. 2016 јылдыҥ кандык айында олор бир эмеш ӧйгӧ Уолкиллдӧӧн кайра келген, је оноҥ олор Бруклиндӧӧн (Нью-Йорк штат) кӧчӱрилген. Беш айдаҥ олор Уорвиктеги (Нью-Йорк штат) телекейлик тӧс башкарудӧӧн кӧчкӧн. 2017 јылдыҥ чаган айында Кук ака Башкару јӧптиҥ Бичиичилердиҥ комитединиҥ (Писательский комитет) болушчызы эдип кӧстӧлгӧн.