Угаачыларга бойын шиҥдеерге болуш. Угаачыларыҥа сананарга болушкадый сурактар бер. Андый сурактардыҥ болужыла угаачылар бойын шиҥдеер аргалу болор.

Јакшыны эдерге кӱӱнзет. Угаачылар јакшы керектерди нениҥ учун эдип турган деп, олорды сананарга кӱӱнзет. Ундыба, эҥ јакшы шылтак — ол Иегованы, Агару Бичикти ле јуугын сӱӱри. Нотация кычырбай, шӱӱжип тур. Куучын-эрмегиҥниҥ учында угаачыларыҥ уйалып калган сезимдӱ эмес, карын Иеговага бастыра кӱчин берип иштеер кӱӱндӱ болзын.

Иеговага јууктаарга болужып тур. Иегованыҥ кылык-јаҥы ла улуска сӱӱжи библиялык ӱредӱлерде, принциптерде ле јасактарда канайып кӧрӱнип турганын аҥылап тур. Угаачыларга Иегованы сӱӱндирип, оныҥ сезимдерин јаантайын ајаруга алып турар кӱӱнин тыҥыдарга болуш.