La 110:1-7
La nɛ David po.
110 Yehowa de ye Nyɔmtsɛ ɔ ke:
“Hii si ngɛ ye hiɔ nɔKɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa ma nɔ.”
2 Yehowa maa kpã o matsɛ tso ɔ nɛ ji he wami ɔ mi kɛ je Zion, nɛ e ma de ke:
“Yaa o he nyɛli a kpɛti nɛ o ya ye a nɔ.”
3 Ligbi nɛ o maa nyɛɛ o tabo ɔ hɛ mi kɛ hia ta a,* o we bi ɔmɛ maa ngɔ a he kɛ ha faa.
O nihewi a tabo nɛ ngɛ klɔuklɔu ɔ ma ba pue si,A ma ba pue si kaa makɛ bɔ.
4 Yehowa kã kita, nɛ e be e juɛmi tsakee:*
“Osɔfo ji mo kɛ yaa neneeneKaa Melkizedek!”
5 Yehowa maa hi o hiɔ nɔ;E maa ywia matsɛmɛ ngɛ e we abofu ligbi ɔ nɔ.
6 E maa kojo je ma amɛ;*Nɛ e ma ha zugba a nɔ ma hyi tɔ kɛ ni gbogboehi.
E maa ywia zugba a tsuo* hɛ mi nyɛɛlɔ ɔ yi.
7 E* maa nu pa nɛ ngɛ blɔ ɔ he ɔ mi nyu.
Lɔ ɔ he ɔ, e maa ye kunimi.*
Sisi Ningmahi
^ Aloo “Ligbi nɛ o tabo ɔ ma bua a he nya a.”
^ Aloo “nɛ e be e he piae.”
^ Aloo “kojo je ma amɛ a kpɛti.”
^ Aloo “zugba gbajaa.”
^ E daa si ha “ye Nyɔmtsɛ” nɛ ngɛ kuku 1 ɔ mi ɔ.
^ Ngɛ Hebri gbi mi ɔ, “e ma wo e yi nɔ.”
