Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

Génesis ma noʼni ló diitz gop americano

Génesis ma noʼni ló diitz gop americano

XALAGARY nagapyibu ñayibu, bisisyibu láani órni bicadiagyibu diitzreʼ: «Sabaladxto ganto que ma cayac traducir tipnés libros de las Escrituras Hebreas xtuny la Biblia [Viejo Testamento], né ma bilox góc grabar libro de Génesis ló video».

Notísy reʼ bicadiagyibu láani ló último discurs de samblia de tzón govitz ló diitz gop americano ni gop testigos xtuny Jehová.

Ló íz 2005, testigos xtuny Jehová gosaló buny traduciryibu ló diitz gop americano Traducción del Nuevo Mundo de las Santas Escrituras né gosalóyibu né libro ni laa Mateo. Par ló íz 2010 bilox buny traduciryibu 27 libros ni rimbuno xomod Nuevo Testamento.

Testigos xtuny Jehová láaca ma buny traduciryibu stipnés libro de la Biblia ló sa gáay diitz gop.

¿Xigony ronyibu láani? Portín testigos xtuny Jehová nan que órni rareʼni ló guiich, gop diti rien láani. Toib traducción ni racá xinés, nayadit né mod ná la Biblia ló diitz gop, ndeʼ rony que xidal buñ ni nacuet guidiag labúu guieen ni ná la Biblia né labúu guibigaxbu a Jehová. Guibiʼno ximod gosacyibu órni cuaʼyibu Biblia ló xtiitzyibu.

Toib mbioxhlas ni nacuet guidiag goniʼ: «Órni pénsa godudy chop tzón íz de goló bireʼ Evangelio de Mateo, bibiʼya láani xomod toib mod ni Jehová raslooy galnadxiʼ na, né traducción de Génesis raslooytzayni ngú. Naʼ naana que láabu cayonybu rutirigaʼlni par guimbutzaaya láabu.»

Toib buñgonaʼ ni nacuet guidiag golexabu scareʼ xi ngú ni rasacbu: «¡Guirá señ ni ronyibu ló video reʼ nigolú nayaditni né raslooytzayni ni rasac buñ! Nigolú bioladxi Biblia reʼ. Nigoreʼ ma bidudi cuent que Jehová náni láabu que gool Xtiitzbu né contexto xtuny versículo, par guimbutzaaya láabu. Guirá galnann reʼ radxinni dada lainy xcalnabani né racnéni naʼ par guixal xcalnabani órni raninéya Jehová».