TEMA NI SIEED LAIDY REVISTA REʼ | GALRRASCÚ NI RALSIT LÓONO DE DIOS
¿Nagan gandxiʼno Dios la?
«Gondxiʼ Jehová Dios xtunylo né guidopynac xcalnabanylo, né guidopynac alma xtunylo né guidopynac xpensarylo. Ndeʼ nac más xiroʼ né primer mandamiento» (Jesucristo, íz 33). *
Noʼ tipnés buñ ni rasac nagan gandxiʼ Dios, ronyibu pensary que diti labúu guimbuyibu Dios, portín noʼbu sit né nacbu toib Dios mal. Gon xi goniʼ tipnésyibu:
«Ná gonaba xcalrracné Dios gosaca que noʼbu nigolú sit. Buni pensary que Dios diti noʼ xi rasacbu por lóono» (Marco, Italia).
«Goniiny naʼ ñony adorar Dios per gosaca que noʼbu nigolú sit. Buni pensary que nacbu toib Dios ni nosi rayopy mod par gony castigar buñ. Diti buni pensary que noʼ ni rasacbu por lóono» (Rosa, Guatemala).
«Órni góca mbioxien nosi rabiʼbu pu cachéno par gony castigarbu lóono. Después buni pensary que noʼbu sit de lóono, gosaca que nacbu xomod toib presidente ni nosi rony mandary né diti rioʼbu galrrasaʼ por buñ» (Raimunda, Canadá).
¿Né looyga xi nálo? ¿Nagan par gandxiʼno Dios la? Por xidalguixo íz cristianos ronyibu galrranabdiitz reʼ láacayibu. Ló Edad Media, xidal buñ diti buny adorar Dios. ¿Xigony? Portín bidzuibyibu. Toib historiador ni góc laa Will Durant goniʼbu modreʼ: «¿Ximod toib buñ ni nap galkié naniné Dios ni sob ló toib trono ni noʼ sit né ni nadzuibygolú?».
¿Xigony tipnés buñ rony pensary modreʼ de Dios? ¿Xí ni merpa rasuidy la Biblia? ¿Diti nasac naganno ñonladxno láabu pal ñanno xipa mod nacbu la?
