Miqueas 2:1-13
2 «¡Pobre si de ca ni riguixhe ique guni cosa malu,ca ni maʼ nexheʼ lu cama stiʼ maʼ caguixhe chaahuiʼ ximodo guni cosa malu!
Ora maʼ biaba xpiaaniʼ dxi, rúnicaʼ ni gudixhe íquecaʼ gúnicaʼ,purtiʼ lu nácabe nuu stipa para gúnicabe ni.
2 Rachelúcabe guicaacabe layú ne riaananécabe cani;laaca rachelúcabe guicaacabe yoo ne riaananécabe cani;riguítecabe ti hombre para gáxhacabe laa lidxi,ne zacaca ráxhacabe herencia stiʼ ti hombre.
3 Nga runi, ndiʼ nga ni ná Jehová:
“Laguuyaʼ, caníʼ iqueʼ guseendaʼ ti guendananá luguiáʼ familia riʼ ne qué zalácabe de laani.*
Maʼ qué zabiguetaʼ gudxiibacabe laca laacabe, purtiʼ zácani ti tiempu de guendananá.
4 Dxi ca, zaníʼ binni ti proverbio* ni caníʼ de laatune ziuubaʼ ladxidóʼcabe tantu cayacanácabe pur laatu.
Zaníʼcabe: «¡Maʼ gúxhacabe laadu guiráʼ ni nápadu!
Laabe bíʼnibe tidiʼ herencia stiʼ xquidxeʼ lu náʼ xcaadxi binni. ¡Ximodo gúxhabe ni naa pue!
Lade ca binni ni qué runi ni ná Dios caguiizibe ca layú stidu».
5 Nga runi qué ziuu tuuxa gutiidiʼ doo ni riquiiñeʼ para chuʼbiáʼ,ni quiʼziʼ layú ca lu xquidxi Jehová.
6 Laacabe riníʼcabe: «¡Lagusaana de guiniʼtu ca diidxaʼ riʼ!».
«Cadi naquiiñeʼ guiniʼtu de ca cosa riʼ.
¡Qué zedandá dxi guituílunu!».*
7 Lii, familia stiʼ Jacob, ¿canazá binni canaguiníʼ:
«¿Ñee maʼ birá paciencia stiʼ espíritu stiʼ Jehová la?
¿Ñee ndiʼ nga ca ni rúnibe la?»?
¿Ñee cadi cayacané ca diidxaʼ stinneʼ ca ni cayuni ni jneza la?
8 Peru cadi tan xadxí xquidxeʼ piaʼ maʼ biasa casi ti enemigu.
Sin guiníʼ íquetu, ráxhatu ca adorno sicarú ni cá lu* xhabaca binni ni zidiʼdiʼ sin guidxibi casi tuuxa ni ribiguetaʼ de lu guerra.
9 De ndaaniʼ ca yoo sicarú ra nabeza ca gunaa de xquidxeʼ riládxitu laacaʼ;ne ráxhatu ca ndaayaʼ sicarú ni maʼ bidieeʼ ca xiiñiʼ ca gunaa ca ne maʼ qué rudxiguétatu cani laacabe.
10 Laguiasa ne laché, purtiʼ cadi naca ndiʼ ti lugar ra riziilaʼdxiʼ binni.
Runi guendanabiidiʼ ca, zanitiluni, guizáʼ naná modo guinitiluni.
11 Pa canazananda ti hombre bi ne guendarusiguii, ne rusiguiibe ora maʼ caniʼbe«Chiguinieniáʼ lii de vinu ne de alcohol»,¡ruuyaʼ ca binni de guidxi riʼ hombre riʼ nga biaʼsi peʼ para guiniʼné laacaʼ!
12 Lii, Jacob, dxandíʼ peʼ zuchiñaʼ guiráʼ xixetu;zacá ni, zucaalisaaʼ guiráʼ ca ni guiaana de Israel.
Zuneʼ laacabe ti grupu si casi ca dendxuʼ ni nuu ndaaniʼ ti currá,casi ti grupu de dendxuʼ ni canazá lu guixi gaʼ;racá zaca ruidu ra caníʼ stale binni”.
13 Zazá ni maʼ ziguxheleʼ ti neza delante de laacabe;zuxhélecabe ti neza, zadíʼdicabe ra puertaʼ ne laaca ra puertaʼ ca guireecabe.
Zadiʼdiʼ rey stícabe delante de laacabene Jehová nga zániru».
