U jaajil yoʼolal u Reino Dios
Jesuseʼ tu kaʼansaj tiʼ u disipuloʼob bix unaj u oraroʼob: «K-Taata yanech teʼ kaʼanoʼ, santificartaʼak a kʼaabaʼ. Taalak a Reino, beetaʼak baʼax a kʼáat, jeʼex u beetaʼal teʼ kaʼanoʼ bey xan ka beetaʼak way luʼumeʼ» (Mateo 6:9, 10). ¿Baʼax u Reino Dios? ¿Baʼax táan u beetik? ¿Baʼaxten unaj k-kʼáatik ka taalak?
Jesuseʼ letiʼ u Reyil u Reino Dios
Lucas 1:31 tak 33: «Techeʼ yaan a pʼáatal embarazadail, yaan u yantal juntúul a chaambal, yéetel Jesús ken a tsʼáa u kʼaabaʼte. Letiʼeʼ yaan u kʼuchul u beetuba nojchil yéetel yaan u yaʼalaʼaltiʼ u Paal le Maas Nojoch Diosoʼ. Jéeoba Dioseʼ yaan u tsʼáaiktiʼ u trono David u taata. Yaan xan u reinar yóokʼol u yotoch Jacob utiaʼal mantatsʼ yéetel u Reinoeʼ mix bikʼin kun xuʼulul».
Jesuseʼ maases tʼaanaj tiʼ u Reino Dios
Mateo 9:35: «Jesús túuneʼ joʼopʼ u xíimbaltik tuláakal le kaajoʼob yéetel le mejen kajtaliloʼoboʼ. Letiʼeʼ táan kaʼach u kaʼansaj teʼ sinagogaʼoboʼ, táan u tʼaan tiʼ le baʼaloʼob maʼalobtak ken u beet le Reinooʼ yéetel táan u tsʼakik jejeláas kʼojaʼaniloʼob bey xan tuláakal le baʼaxoʼob ku muʼyajtik le máakoʼoboʼ».
Jesuseʼ tu yaʼalaj tiʼ u disipuloʼob baʼax kun eʼesik naatsʼ yanik le Reinooʼ
Mateo 24:7: «Junpʼéel kaajeʼ yaan u baʼateʼel tu contra uláakʼ kaaj, junpʼéel reinoeʼ yaan u baʼateʼel tu contra uláakʼ reino, yaan u pʼáatal minaʼan baʼal jaantbil yéetel jejeláas tuʼux ken u tíituba le luʼumoʼ».
U disipuloʼob Jesuseʼ táan u kʼaʼaytikoʼob le Reino tuláakal yóokʼol kaaboʼ
Mateo 24:14: «Le baʼaloʼob maʼalobtak ken u beet le Reinooʼ yaan u tsikbaltaʼal tiʼ tuláakal yóokʼol kaab utiaʼal ka ojéeltaʼak tumen u kajnáaliloʼob tuláakal kaajoʼob, le kéen tsʼoʼokkeʼ ku taal u xuul».
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Baʼax u Reino Dios?
Ilawil baʼaxten maas maʼalob u Reino Dios tiʼ jeʼel baʼalak gobiernoil yaan way Luʼumeʼ.
BAʼALOʼOB UNAJ A KANIK
¿Baʼax u Reino Dios?
Ka taal Jesús way Luʼumeʼ maases kaʼansajnaj yoʼolal u Reino Dios. Úuch joʼopʼok u kʼáataʼal ka taalak u Reino Dios.
LE BIBLIAOʼ TIʼ BAʼAX KU TʼAAN
Jesuseʼ tu kʼaʼaytaj u Reino Dios
¿Tiʼ baʼax tʼaanaj Jesús ka kʼaʼaytajnaji? ¿Bix úuchik u yeʼesik yaan u gobernar tubeel bey xan yéetel yaabilaj?
