KʼAAY 92
Junpʼéel naj nojbeʼenkúuntik a kʼaabaʼ
-
1. Jéeoba, yéetel yaʼab kiʼimak óolal
tsʼoʼok k-beetik tiʼ teech le najaʼ.
Le kúuchilaʼ jach yaan u yáantkoʼon
utiaʼal k-nojbeʼenkúunskech mantatsʼ.
Teech tsʼáatoʼon u muukʼil tiaʼal k-beetik
le oʼolal a tiaʼal le najaʼ.
Teʼ kʼiinaʼ yéetel kiʼimak óolal
táan k-tsʼáaiktech yaʼab gracias, Jéeoba.
(CORO)
Táan k-kʼubiktech le kúuchilaʼ,
beet uts a kʼamik, Jéeoba.
Yaan k-nojbeʼenkúunsikech mantatsʼ
teʼ sen kiʼichkelem najaʼ.
-
2. Teʼ kúuchilaʼ yaan k-nojbeʼenkúunskech,
yaan k-kiʼikiʼtʼantkech xan, Jéeoba.
Yaʼab máaxoʼob kun taaloʼob u yuʼuboʼob
tuláakal baʼax kiaʼalik a Tʼaan.
Junmúuchʼ yéeteloʼobeʼ yaan k-tsʼáaiktech
nojbeʼenil yéetel yaabilaj.
Toʼoneʼ k-aʼaliktech yaan k-kanáantik
le naj kun nojbeʼenkúunskechaʼ.
(CORO)
Táan k-kʼubiktech le kúuchilaʼ,
beet uts a kʼamik, Jéeoba.
Yaan k-nojbeʼenkúunsikech mantatsʼ
teʼ sen kiʼichkelem najaʼ.
(Ilaʼak xan 1 Rey. 8:18, 27; 1 Cró. 29:11-14; Bax. 20:24.)
