Be motoyil Got ngom. Be micheg e Bible ngodad ni Jehovah e “ba chugur ngak urngin e piin ni yad ma non ngak, ni yad be non ngak u fithik’ e yul’yul’. . . . Ma rung’ag e tin ni yad ma wenignag ngak.”​—Psalm 145:18, 19.

Baadag Got ni ngam meybil ngak. Be gaar e Bible: “Faan gimed ra meybil ngak Got mi gimed ning ngak e tin ni nge yog ngomed, ma gubin ngiyal’ ni nguum ninged ngak ni gimed be pining e magar ngak u lanin’med.”​—Filippi 4:6.

Ri ma lemnagem Got. Ri manang Got e tin ma magafan’dad ngay, ma baadag ni nge ayuwegdad. Be gaar e Bible: “Mpaged fan urngin e magafan’ romed ngak, ya be lemnag rogomed.”​—1 Peter 5:7.