Pa Disemba 4, 2020, abale ŵakwana 26 soni alongo ŵakwana ŵaŵili ŵakopwesye mu ukayidi. Jemanjaji ŵataŵile ligongo lya yindu yakusakulupilila. Ŵane mwa jemanjaji atemi mu ukayidi kwa yaka msano soni ŵane yaka 26. Atamose kuti atemi kwa yaka yeleyi, nambope jemanjaji akupitilisyape kuŵa ŵakulupichika kwa Yehofa Mlungu. Abale ni alongo pachilambo chosope akusangalala ligongo lyakuti abale ni alongoŵa agopoledwe. Nambope ngatukuliŵalila kwapopelela abale ni alongo ŵakwana 24 ŵali mu ukayidi m’chilambo chelechi.—Masengo 12:5