Maloŵe Gandanda ga Mbali 2
Ligongo cici Yehofa ŵayikasisye cigumula ca mesi cicajonasile cilambo? Kutandila kalakala ŵandu ŵatandite kusagula kutenda yambone kapena yakusakala. Ŵandu ŵane mpela Adamu, Hawa nambosoni mwanace jwawo Kaini, ŵasagwile kutenda yindu yakusakala. Nambo ŵane mpela Abele ni Nowa ŵasagwile kutenda yambone. Ŵandu ŵajinji ŵaŵele ŵakusakala, yeleyi yamtendekasisye Yehofa kuti ajonanje cilambo cakusakalaco. Mbali ajino cijitukamucisye kumanyilila kuti Yehofa akusalola mbali jatukusasagula nambosoni ngasakunda kuti yakusakala yijendeleceleje.
MU MBALI AJI
Adamu ni Hawa Nganapikanila Mlungu
Ana cici cicatendekasisye citela cimo kuŵa cakulekangana ni yitela yine mu mgunda wa Edeni? Ligongo cici Hawa ŵalile yisogosi yakwe?
Jwawuleje Mundu Ligongo Lyakutumbila
Mlungu ŵapocele mbopesi ja Abele nambo ngaŵaga ja Kaini. Kaini paŵayimanyi kuti Mlungu nganapocela mbopesi jwakwe, jwatumbile mnope mwati jwatesile cindu cakusakala mnope.
Combo ca Nowa
Malayika gakusakala gali galombele acakongwe pacilambo capasi, ŵaŵelece ŵanace ŵamacili soni ŵandewo. Yaciwawa yatupile mnope pacilambo. Nambo Nowa ŵatendaga yambone. Jwalakwe ŵamnonyelaga soni kumpikanila Mlungu.
Ŵandu Msano ni Ŵatatu Ŵakulupwice ni Kwinjila M’cilambo Casambano
Cigumula ca mesico cajigele masiku 40 cilo ni musi. Nowa ni liŵasa lyakwe ŵatemi m’combo kupunda caka. Kaneko ŵakopwece m’combomo.
