Apateje yitagu yangasawusya. Mpela Yesu, akamulicisyeje masengo yindu yakuyimanyilila ŵandu pakulondesya yindu yakusawusya kuyipikanicisya. Akasalaga yindu yangasosekwa mnope yampaka yitendekasye citaguco kuŵa cangapikanika. Alolecesyeje yindu yayili mcitagu kuti yikukamulana ni yakwiganya, yampaka yakamucisye ŵakupikanila kuti akasokonecela ni ngani jawo.

Aganicisyeje yindu yampaka yakamucisya ŵakupikanila ŵawo. Asaguleje yitagu yakumanyika kwa ŵakupikanila soni yakamulana ni yakusatenda lisiku lililyose. Nambosoni akusosekwa kusamala kuti yitagu yawo yikaŵa yakutesya sooni kwa ŵakupikanila ŵawo.

Ajiganyeje songa jekulungwa. Nganisyo syawo siŵeje pa songa syekulungwa. Alolecesye kuti ŵakupikanila ŵawo akukumbucila ngaŵaga citagupe nambo yakulijiganya kutyocela mu citaguco.