FAʼAHI 12
ʼE Lava Feafeaʼi Hakotou Maʼu Ia Hokotou Maʼuli Fakafāmili Fiafia?
Ko te ʼofa ʼe ko te fakatafitoʼaga ʼaia ʼo he maʼuli fakafāmili fiafia. Efesi 5:33
Ko te lēkula ʼa te ʼAtua ʼaē ki te ʼohoana ʼe tonu ke ʼohoana pē te tagata e tahi pea mo te fafine pē e tahi.
Ko he tagata ʼohoana ʼofa ʼe tokaga fakalelei ki tona hoa pea mo lotomahino ki ai.
ʼE tonu ke lagolago te fafine ʼohoana ki tona ʼohoana.
ʼE tonu ke fakalogo te fānau ki tanatou ʼu mātuʼa.
Kotou agalelei pea mo agatonu, ʼaua naʼa kotou aga fekai pea mo heʼe agatonu. Kolose 3:5, 8-10
ʼE ʼui ʼi te Folafola ʼa te ʼAtua ʼe tonu ki te tagata ʼohoana ke ʼofa ki tona ʼohoana ohagē pē ko tana ʼofa ʼaē ki tona sino ʼo ia totonu pea ʼe tonu ki te fafine ʼohoana ke fakaʼapaʼapa lahi ki tona ʼohoana.
ʼE ko he aga ʼe kovi ia te fai ʼo te ʼu felāveʼi fakasino ʼi tuʼa atu ʼo te nofo ʼohoana. Pea ʼe mole ko he aga ʼe lelei ia te maʼu ʼo he ʼu ʼohoana e tokolahi.
ʼE akoʼi ʼi te Folafola ʼa Sehova ki te ʼu fāmili peʼe feafeaʼi hanatou maʼuli fiafia.