Yesuusa Hayquwa Hassayiyo Baalaa
Hamuusa, Laappune 24, 2018 (Hosppune 2, 2026)
Yihoowa Markkati Yesuusi azazidoogaadan layttan layttan issitoo A hayquwa hassayanawu shiiqoosona; I hagaadan giis: “Tana hassayanawu hagaa oottiyogaa aggoppite.”—Luqaasa 22:19.
Ha dummabawu neeninne ne soo asay nunaara shiiqanaadan shoobboos.
Asay Darotoo Oychchiyo Oyshata
Shiiqana danddayiyay oonee oonee?
Ubba asay shiiqana danddayees. Ne laggiyanne ne soo asaa ehaana danddayaasa.
Ha prograamee ay keena wodiya ekkii?
Issi saate gidiyagaa.
Awan shiiqiyoo?
Hegaabaa loytta eranawu Yihoowa Markkata oychcha.
Shiiqanawu miishsha qanxxissii?
Chii.
Muxuwataa shiishsheetii?
Chii. Nuuni Yihoowa Markkati nu shiiqotun muxuwataa mule shiishshokko.—Maatiyosa 10:8.
Hegawu issi dumma maayo maayana koshshii?
Chii. Gidikkokka, Yihoowa Markkati ha dumma shiiquwa bonchchiyogaa bessiya ogiyan maayoosona.
Hassayiyo Baalan ay siyanee?
Shiiquwa doommiyo wodenne kuuyiyo wode shiiqidaageeti mazamuriya yexxana, qassi Yihoowa Markkatuppe issoy woossana. He prograamiyan, Yesuusa hayqoy nuussi ay keena koshshiyakko, qassi Xoossaynne Kiristtoosi oottidobay nuna waati maaddiyakko qonccissiya haasayay deꞌees.
Gujjada eranawu, “Yihoowa Markkati Godaa Kahuwaa Bonchchiyo Ogee Hara Haymaanootetuugaappe Dummatiyoy Aybissee?” giya huuphe yohuwa xeella.
Hassayiyo Baalaa sinttappe awude awude bonchchanee?
2018 M.L (2026): Hamuusa, Laappune 24 (Hosppune 2)
2019 M.L (2027): Saynno, Laappune 13 (Laappune 22)
Hageeta Beꞌadii?
HASSAYUWAA
Yesuusa Hayquwaa Hassaya
Ha keehi koshshiya hanotaa nunaara issippe hassayanaadan nena shoobboos. Yesuusa deꞌoynne hayqoy nena waati maaddiyaakko neeni akeekana.
GEESHSHA MAXAAFAN DEꞌIYA WAANNA TIMIRTTETA
Yesuusi Hayqqidoy Aybissee?
Geeshsha Maxaafay Yesuusa hayqoy keehi maaddiyoogaa qonccissees. A hayquwawu halchchoy deꞌii?
HARA HUUPHE YOHOTA
Yesuusa Wozo Yarshshuwaappe Goꞌetta
Yesuusi tamaarissido, nuuni A hayquwaappe goꞌettanawu oottana bessiya keehi koshshiya naaꞌꞌubati aybee?
