Аюб 16:1–22
16 Аюб жавобан шундай деди:
2 «Илгари ҳам бунақа нарсаларни эшитганман.
Ҳаммангиз азобимга азоб қўшадиган юпатувчиларсиз!+
3 Қуруқ гапларнинг охири борми?
Бундай жавоб беришга сени нима ундаяпти?
4 Мен ҳам сизларга ўхшаб гапира олардим.
Менинг ўрнимда бўлганингизда,Бошимни чайқаб+,Сизларни танқид қила олардим.
5 Лекин мен сўзларим билан сизларга далда бериб,Тасалли бахш этувчи гапларим билан сизларни юпатган бўлардим+.
6 Гапирганим билан дардим енгиллашадими?+Гапирмай қўйсам-чи, дардим қанчага камаяди?
7 Бироқ энди Худо мени ҳолдан тойдирди+,Бутун хонадонимни* вайрон қилди.
8 Мени эса Сен ушлаб олдинг ва бошқалар бунга шоҳид бўлди,Қоқ суяк бўлиб қолганим менга қарши гувоҳлик берди.
9 Жаҳл устида У мени тилка-пора қилиб, менга қарши адоват сақлади+.
Менга қарши тишларини ғижирлатди.
Душманларим кўзлари билан тешиб юборай деб, менга тикилиб қарамоқда+.
10 Улар оғизларини менга қарши катта очиб+,Мазах қилганча менинг юзимга уришмоқда,Кўпчилик бўлиб йиғилиб, менга қарши чиқишмоқда+.
11 Тангри мени ёш болалар қўлига топширди,Ёвузлар қўлига мени улоқтирди+.
12 Тинчгина юрган эдим, аммо У мени чилпарчин қилди+,У гарданимдан ушлаб олиб, мени эзиб ташлади,Кейин эса мени Ўз нишони қилиб қўйди.
13 Камончилари мени ўраб олди+,Раҳм қилмай буйракларимни тилиб ташлади+,Ўт пуфагим ичидаги сафрони ерга тўкиб юборди.
14 Танамни деворни тешгандай тешиб ташламоқда,Жангчига ўхшаб устимга бостириб келмоқда.
15 Мен аза кийимини кийиб+,Қадр-қимматимни* ерга кўмиб ташладим+.
16 Йиғлагандан юзим қизариб кетди+,Қовоқларим қорайиб қолди.
17 Лекин зўравонликка қўл урмаганман,Ибодатим ҳам покдир.
18 Эй замин, қонимни яшира кўрма!+
Дод-фарёдим ўчмасин!
19 Мана, менинг гувоҳим самодадир,Мен учун шоҳидлик берадиган кўкдадир.
20 Дўстларим устимдан куляпти+,Мен эса кўз ёш тўкиб*, Тангрига умид қиляпман+.
21 Икки инсон ўртасида ажрим қилгандай,Қанийди кимдир мен билан Аллоҳ ўртасида ҳакамлик қилса+.
22 Умрим охирлаб боряпти,Мен борса келмас йўл билан кетаман+.
Изоҳлар
^ Ёки «Мен билан йиғилганларни».
^ Ёки «Кучимни». Сўзма-сўз «Шохимни».
^ Бошқа вариант «ухламай кўз тикиб».