Malakae 4:1-6
4 “Kidie nighere! ẹdẹ na cha, ọ la kerẹ ogidi erhanre, rẹ ihwo eje re kparoma kugbe ihwo eje ri ruẹ umiovwo cha vwọ dia kerẹ igbẹn rẹ ekankọn. Ẹdẹ rọ cha na cha torhẹ ayen muotọ,” ọtiọyen Jihova rẹ otuofovwin na tare, “ayen rhe che vwo owọ yẹrẹ oghọọn.
2 Ẹkẹvuọvo vwọ kẹ ovwan ri muọghọ kẹ* odẹ mẹ, ọnre rẹ ophiọnphiọn che lo mu ovwan, esivwon che nene elo* rọyen; kẹ ovwan che pho kraekrae kerẹ emọ rẹ erhuẹn re pha tubie tubie.”
3 “Kẹ ovwan che chiyin ihwo imwemwu na muotọ, kidie ayen cha dia kerẹ ekpẹn vwẹ obotọ rẹ awọ rẹ ovwan vwẹ ẹdẹ ri mi che vwo ru ọnana,” ọtiọyen Jihova rẹ otuofovwin na tare.
4 “Karophiyọ Urhi rẹ odibo mẹ Mosis, irhi kugbe orhiẹn-ebro re me vwọ kẹ Izrẹl eje vwẹ Horẹb nẹ ayen ru nene.
5 “Nighere! Mi jẹ ọmraro Ẹlaijah brẹ ovwan cha tavwen ẹcha rẹ ẹdẹ rode ri Jihova ro muoshọ na ke rhe.
6 Ọ cha vwẹ ukẹcha kẹ esẹ rere ubiudu rayen dia kerẹ e rẹ emọ, je vwẹ ukẹcha kẹ emọ rere ubiudu rayen dia kerẹ e rẹ esẹ, rere mi vwo jẹ cha cha rhe ghwọrọ akpọ na, re me da ghwọrọ karekare.”
