1. Кыӵе ӟеч ивор вань кулэмъёс пумысен?

 Иисуслэн Лазарь нимо эшез вал. Со улӥз Иерусалим вӧзысь Вифания гуртын. Одӥг пол Лазарь висьыны усиз но кулӥз. Куке Иисус лыктӥз, Лазарь ньыль нунал шайгуын кылле ни вал. Лазарьлэн сузэръёсыныз ӵош, Марфаен но Марияен, Иисус шайгу доры мынӥз. Ӝоген отчы трос калык люкаськиз. Вань люкаськем калык азьын Иисус Лазарез улӟытӥз. Малпалэ гинэ, макем шумпотӥзы Марфа но Мария, куке Лазарез улэпен адӟизы! (Лыдӟе Иоаннлэсь 11:21—24, 38—44.)

 Марфа улӟыса султон сярысь ӟеч иворлы оске вал. Со тодэ вал, Иегова кулэмъёсты выльысь музъем вылын улыны улӟытоз шуыса. (Лыдӟе Исаиялэсь 26:19.)

2. Мар луэ адямиен кулэм бераз?

 Адями «музъем сюйысь-тузонысь» кылдытэмын вал (Улон-вылон 2:7; 3:19). Милям мугормы сӥльлэсь но вирлэсь. Милям ӧвӧл лулмы, кудӥз мугор кулэм бере улэ на. Куке адями кулэ, солэн йырвиымез кулэ но вань малпанъёсыз быро. Улӟемез бере Лазарь ӧз вера, со инмын вал яке кулэм ӵыжы-выжыосыныз сопал дуннеын вал шуыса. Озьы ик со ӧз вера, со адын курадӟиз шуыса, малы ке шуоно кулэмъёс номыре уг тодо но номыре уг шӧдо. (Лыдӟе Екклесиастэз 9:5, 6, 10.)

 Инмар адямиосты адын курадӟытэ-а? Библиын верамын, кулэмъёс номыре но уг шӧдо шуыса. Озьыен, тылын ӝуась ад сярысь дышетон — со зэмос луисьтэм дышетон. Со Инмар сярысь  ӧвӧлтэмзэ вера. Адямиосты курадӟытон сярысь малпан гинэ но Инмарлы юрӟым потэ. (Лыдӟе Иеремиялэсь 7:31.)

 Учке «Мар луэ адямиен кулэм бераз?» видеороликез.

3. Быгато-а кулэм адямиос милемын вераськыны?

 Кулэм адямиос вераськыны но, кылыны но уг быгато (Псалтирь 113:25). Но вань лек кылчинъёс, кудъёсыз адямиосын вераськыны быгато. Соос каро озьы, адямиос мед малпалозы, соосын кулэмъёс верасько шуыса (2 Пётр 2:4). Соин ик Иегова уг лэзьы кулэмъёсын вераськыны. (Лыдӟе Кыкетӥ Законэз 18:10, 11.)

4. Кин улӟытэмын луоз?

 Трос миллион адямиос улӟытэмын луозы. Улӟытэмын луозы соос но, кинъёс Инмар сярысь ӧз тодэ но шонертэм ужъёс лэсьтӥзы. (Лыдӟе Псалтирез 36:29; Апостолъёслэсь ужъёссэс 24:15.)

 Улӟытэм адямиослы луонлык сётэмын луоз Инмар сярысь зэмлыкез тодыны но Иисуслы оскемзэс возьматыны (Усьтӥськон 20:11, 12). Соос, кинъёс шонер ужъёс лэсьтозы, рай музъем вылын пырак дауръёс ӵоже улыны быгатозы. (Лыдӟе Иоаннлэсь 5:28, 29.)

5. Мар вера Иегова сярысь кулэмъёсты улӟытыны мылкыд каремез?

 Инмар аслэсьтыз Пизэ музъем вылэ ыстӥз, со ми понна мед кулоз шуыса. Озьы адямиослэн осконзы кылдӥз, кулэмъёс улӟытэмын луозы шуыса. Иеговалэн кулэмъёсты улӟытэмез потэ. Со вера, Иегова туж яратӥсь но ӟечлыко шуыса. Куке кулэмъёс улӟытэмын луозы, кинэ нырысь ик тӥляд адӟемды потоз? (Лыдӟе Иоаннлэсь 3:16; Римъёслы 6:23.)