Валтӥсь материалъёсы выжоно

Пуштросаз выжоно

 10-ТӤ УРОК

Кызьы зэмос религиез шедьтоно?

Кызьы зэмос религиез шедьтоно?

1. Зэмос религия — одӥг яке тросгес?

«Ӧрекчи пророкъёслэсь утиське» (МАТФЕЙ 7:15).

Иисус одӥг гинэ религиез кылдытӥз — зэмос религиез. Сое пырак улонэ нуись сюресэн ӵошатыны луоз. Иисус верамъя, со сюресэз ӧжытэз шедьтэ (Матфей 7:14). Инмар умоен лыдъя сыӵе гинэ йыбыртъянэз, кудӥз солэн Кылыз, Библия, вылэ пыкиськемын. Инмарлэсь вань зэмос ужась-тыршисьёссэ одӥг оскон огазея. (Лыдӟе Иоаннлэсь 4:23, 24; 14:6; Ефесъёслы 4:4, 5.)

Учке «Ярало-а Инмарлы вань религиос?» видеороликез.

2. Мар вераз Иисус зэмос луисьтэм христианъёс сярысь?

«Соос шуо ми, пе, Инмарез тодӥськомы, нош ужъёсынызы асьсэос Солэсь куштӥсько» (ТИТЛЫ 1:16).

Иисус азьло ик вераз, ӧрекчи пророкъёс потозы шуыса, кудъёсыз христиан дышетонэз мыдланьтозы. Соос зэмос христианъёслы тупало, малы ке шуоно соос асьсэды Христос сьӧры мынӥськомы шуо но черкъёссэс христиан черкъёс шуыса нимало. Озьы ке но соосты тодманы луэ. Кызьы зэмос луисьтэм религиысь адямиосты, озьы ик зэмос христианъёсты но, тодманы луэ сямъёссыя но ужъёссыя. (Лыдӟе Матфейлэсь 7:13—23.)

3. Кызьы тодмано Инмарлэсь зэмос ужась-тыршисьёссэ?

Эскеромы вить тодметъёсты.

  • Зэмос христианъёс оско, Библия — со Инмарлэн Кылыз шуыса. Соос Библиысь возетъёсъя улыны тыршо. Соин зэмос религия пӧртэм луэ вань религиослэсь, кудъёсыз адямиослэн учконъёссы но малпанъёссы вылэ пыкиськемын (Матфей  15:7—9). Зэмос христианъёс асьсэос но уло соя, малы дышето. (Лыдӟе Иоаннлэсь 17:17; 2 Тимофейлы 3:16, 17.)

  • Зэмос христианъёс данъяло Инмарлэсь нимзэ — Иегова нимез. Адямиосын вераськыкуз, Иисус ӵем Инмарлэсь нимзэ вералляз. Озьы со Атаезлэсь нимзэ данъяз. Со адямиослы Инмар сярысь вералляз но дышетӥз соосты вӧсяськыны, Инмарлэн нимыз данъямын мед луоз шуыса (Матфей 6:9). Кин Инмарлэн нимыз сярысь вера отын, кытын тӥ улӥськоды? (Лыдӟе Иоаннлэсь 17:26; Римъёслы 10:13, 14.)

  • Зэмос христианъёс Инмарлэн Эксэйлыкез сярысь тодыто. Инмар Иисусэз ыстӥз Эксэйлык сярысь ӟеч иворез вераны. Эксэйлык гинэ адямиослэсь шуг-секытъёссэс сэрттыны-пертчыны быгатоз. Иисус вань улытозяз Эксэйлык сярысь тодытӥз (Лука 4:43; 8:1; 23:42, 43). Со вераз, солэн пытьытӥз мынӥсьёсыз солэсь адӟем карозы шуыса. Кыӵе религиысь адямиос Инмарлэн Эксэйлыкез сярысь коркась корка тодыто? (Лыдӟе Матфейлэсь 24:14.)

  • Иисус сьӧры мынӥсьёс та лек дуннелэн ужъёсаз уг пырисько. Соосты политикае но бугыръяськонъёсы пырымтэенызы тодманы луэ (Иоанн 17:16; 18:36). Со сяна, соос Инмарлэн вылӥ эсэпъёсызъя уло но та дуннеын вӧлмем умойтэм ужъёслэсь но кырсь сямъёслэсь палэнско. (Лыдӟе Иаковлэсь 4:4.)

  • Зэмос христианъёс ог-огзэс зэмзэ ик ярато. Инмарлэн Кылыз дышетӥз соосты котькыӵе калыкысь адямиосты гажаны. Со дыре, куке зэмос луисьтэм религиос ожъёсы пырисько, зэмос христианъёс сыӵе ужъёслэсь палэнско (Михей 4:1—3). Со сяна, соос асьсэлэсь дырзэс но коньдонзэс сёто, адямиослы юрттон но соослы буйгатскон ваён понна. Со понна соослы коньдон уг тыро. (Лыдӟе Иоаннлэсь 13:34, 35; 1 Иоаннлэсь 4:20.)

4. Быгатоды-а зэмос религиез тодманы?

Кыӵе религия дышетэ солы, малы дышетэ Библия? Кыӵе религия Инмарлэсь нимзэ данъя но вера, Инмарлэн Эксэйлыкез гинэ адямиослэсь шуг-секытъёссэс сэрттоз-пертчоз шуыса? Кыӵе религиысь адямиос ог-огзэс зэмзэ но ярато но ожмаськонъёсы уг пырисько? Тӥ малпамъя, кин та куронъёслы тупа? (Лыдӟе 1 Иоаннлэсь 3:10—12.)