Валтӥсь материалъёсы выжоно

Пуштросаз выжоно

 15-ТӤ УРОК

Малы Иегова сярысь тодон-валан басьтэмысь дугдоно ӧвӧл?

Малы Иегова сярысь тодон-валан басьтэмысь дугдоно ӧвӧл?

1. Малы азьланяз но Библиез дышетыны кулэ?

Ми вакчияк эскеримы Библиысь валтӥсь дышетонъёсты. Веранэз ӧвӧл, со тӥлесьтыд Иеговаез яратондэс юнматӥз. Со яратонэз ялан юнматыны тыршоно (1 Пётр 2:2). Тӥ азьланяз но Инмар сярысь тодон-валан басьтӥды но солэсь Кылзэ дышетӥды ке, пырак улыны быгатоды. (Лыдӟе Иоаннлэсь 17:3; Иудалэсь 21.)

Инмар сярысь тодон-валан басьтэмдыя тӥляд осконды юнмалоз. Оскон юрттоз тӥледлы Инмарлы ярамон луыны (Еврейёслы 11:1, 6). Со тӥлесьтыд мылкыддэс ӝутоз жаляны, азьвыл тӥ сьӧлыкъёс лэсьтӥды шуыса, но улондэс воштыны. (Лыдӟе Апостолъёслэсь ужъёссэс 3:19.)

2. Кызьы Инмар сярысь тодэмды мукетъёсызлы пайда вайыны быгатоз?

Вералэ Иеговалы, тӥляд соин эшъёс луэмды потэ шуыса

Веранэз ӧвӧл, тодэмдэс тӥляд мукетъёсызлы верамды потоз, малы ке шуоно куке ми мае ке умойзэ кылӥськомы, милям сое мукетъёсызлы вераммы потэ. Азьланяз но Инмар сярысь тодон-валан басьтыса, тӥ быгатоды Библияя валэктыны сое, малы тӥ оскиськоды. (Лыдӟе Римъёслы 10:13—15.)

Тросэз адямиос ӟеч иворез нырысь верало эшъёссылы но ӵыжы-выжыоссылы. Лякытэсь луэ. Эн вералэ мукетъёсызлы, соослэн осконзы шонертэм шуыса. Умойгес луоз, тӥ верады ке, мар карыны Инмар кылзэ сётэ. Тодады возе: тӥляд ужъёсты, верам кылъёсты сярысь, адямилэн сюлмаз мургес пыӵаны быгатозы. (Лыдӟе 2 Тимофейлы 2:24, 25.)

3. Кызьы Библиез дышетон Инмарен кусыпъёсты вылын шӧдӥськоз?

Инмарлэсь Кылзэ дышетон юрттоз тӥледлы Иеговаен кусыпъёстэс юнматыны. Дыр ортчемъя тӥ Иеговаен нимысьтыз кусыпъёс тупатоды. Тӥ солэн семьяез пӧлы но пырыны быгатоды. (Лыдӟе 2 Коринфъёслы 6:18.)

 4. Мар юрттоз тӥледлы азьланяз но вамышъёс лэсьтыны?

Азьланяз но Инмарлэсь Кылзэ дышетыса, тӥ дышетскоды Библиысь возетъёсты улонады пыртыны (Еврейёслы 5:13, 14). Куре кинэ ке Иеговалэн Адӟись-Ивортӥсьёсыз пӧлысь дышетыны тӥледын Библиез «Малы дышетэ милемыз Библия?» книгая. Макем тросгес тӥ Инмарлэн Кылысьтыз тодон-валан басьтоды, сокем шудогес луоз улонды. (Лыдӟе Псалтирез 1:1—3; Иисус Навинлэсь 1:8.)

Ӟеч иворез вера Иегова, шудо Инмар. Тӥ солы матэгес кариськыны быгатоды, солэн калыкез пӧлы пыриды ке (Еврейёслы 10:24, 25). Иеговаез асьтэлэн ӟеч ужъёсыныды шумпоттыса, тӥ матэктӥськоды зэмос улон доры — быронтэм улон доры. Юнматэ Инмарен кусыпъёстэс. Адямилэн улоназ соос тужгес но дуно луо! (Лыдӟе 1 Тимофейлы 6:19.)