Валтӥсь материалъёсы выжоно

Пуштросаз выжоно

 5-ТӤ УРОК

Мар луоз музъемен?

Мар луоз музъемен?

1. Малы Инмар музъемез кылдытӥз?

Иегова музъемез адямиослы улон понна кылдытӥз. Со милям улон интымы. Нырысетӥ адямиос, Адам но Ева, инмын улыны кылдытэмын ӧй вал. Инмын улыны Инмар кылчинъёсты кылдытӥз (Иов 38:4, 7; 3 Эксэйлыкъёслэн 22:19). Нош адямиосты Инмар чебер Едем садэ, рае, улыны интыяз (Улон-вылон 2:15—17). Иеговалэн потэ вал, нырысетӥ адямиос но соослэн нылпиоссы музъем вылын пырак дауръёс ӵоже мед улозы но ноку медаз кулэ шуыса. (Лыдӟе Псалтирез 36:29; 113:24.)

Нырысь Едем сад гинэ рай вал. Дыр ортчыса, нырысетӥ адямиослэн нылпиоссы вордӥськыны кулэ вал. Озьы адямиос быдэс музъемез тырмытысалзы но сое сяськаяськись садлы пӧрмытысалзы (Улон-вылон 1:28). Музъем ноку но быдтэмын уз луы. Со котьку милям улон интымы луоз. (Лыдӟе Екклесиастэз 1:4.)

Учке «Малы Инмар музъемез кылдытӥз?» видеороликез.

2. Малы али музъем вылын рай ӧвӧл?

Адам но Ева Инмарлэсь ӧз кылзӥське. Соин Инмар соосты Едем садысь улляз. Рай ыштэмын вал. Адямиос кӧня уло ини, нокин но соос пӧлысь выльысь рай кылдытыны ӧз быгаты. Библия вера, музъем сьӧлыклэсь кышкасьтэм адямиос кие сётэмын шуыса (Иов 9:24). (Лыдӟе Улон-вылонэз 3:23, 24.)

Инмарлэн потэ вал, музъем чебер рай мед луоз но со вылын адямиос пырак дауръёс ӵоже мед улозы шуыса. Куштӥськиз-а Инмар со малпанэзлэсь? Ӧз! Инмар ваньзэ быгатэ. Соин ик номыр уз люкеты солы аслэсьтыз малпанзэ быдэстыны (Исаия 45:18). Иегова одно ик сётоз адямиослы сое, мае сётыны кутсконысеныз ик малпаз вал. Музъем вылын выльысь рай луоз. (Лыдӟе Псалтирез 36:11, 34.)

3. Кызьы Рай выльысь тупатэмын луоз?

Музъем вылын рай выльысь тупатэмын луоз, Иисус кивалтыку. Армагеддон ожын Иисус Инмарлэн кылчинъёсыныз  кивалтоз но быдтоз ваньзэс, кинъёс Инмарлы пумитъясько. Собере со Шайтанэз пыдэстэм дуннее 1 000 арлы пытсалоз. Инмарлэн ужась-тыршисьёсыз, лек адямиосты быдтыку, улэп кылёзы, малы ке шуоно Иисус вералоз соослы, мар кароно, но утёз соосты. Соос пырак дауръёс ӵоже музъем вылын Райын улозы. (Лыдӟе Усьтӥськонэз 20:1—3; 21:3, 4.)

4. Ку курадӟонъёс быдтэмын луозы?

Ку Инмар музъем вылысь курадӟонъёсты быдтоз? Иисус сётӥз «тодмет», кудӥз со дырлэсь вуэмзэ тодманы юрттоз. Дуннеын кылдэм югдур адямиослы кышкытлык вае но возьматэ, ми улӥськомы шуыса вакытэ, кудзэ Библия «берпум аръёс» шуыса нима. (Лыдӟе Лукалэсь 21:7—14; 2 Тимофейлы 3:1.)

Сюрс ар ӵоже кивалтыкуз, Иисус музъем вылысь вань курадӟонъёсты быдтоз (Исаия 9:6, 7; 11:9). Эксэй луэм сяна, Иисус Быдӟым священник но луоз. Со Инмарез яратӥсь адямиосты сьӧлыклэсь мозмытоз. Озьы, Иисус пыр, Инмар висёнъёсты, пересьмонэз но кулонэз быдтоз. (Лыдӟе Исаиялэсь 25:8; 33:24.)

5. Кин вуоно Райын улоз?

Эксэйлык юртын тӥ пумиталоды адямиосты, кудъёсыз Инмарез ярато но кудъёсызлэн дышетскемзы потэ Инмарлы ярамон луыны

Райын улозы Инмарлэсь кылзӥськись адямиос (1 Иоанн 2:17). Иисус косӥз аслэсьтыз дышетскисьёссэ зӥбыт-востэм адямиосты утчаны, кудъёсыз дась дышетскыны, но юрттыны соослы Инмарлы матэ кариськыны. Туннэ Иегова трос миллион адямиосты вуоно Рай музъем вылын улыны дася (Софония 2:3). Иеговалэн Адӟись-Ивортӥсьёсызлэн Эксэйлык юртъёсазы адямиос дышетско умойгес карт но атай, кышно но анай луыны. Анай-атайёс но нылпиос ӵош пумиськонъёсы ветло но дышетско Библиысь тодон-валанэз улоназы пыртыны но али ик ини улонзэс умой пала воштыны. (Лыдӟе Михейлэсь 4:1—4.)