¿Machʼatik ya xjuʼ ya xkʼotik?

Ikʼbil spisil te ants winiketik. Ikʼbil te afamilia sok te awamigotak.

¿Jayeb tiempo ya xjalaj?

Kʼaxemniwan ta jun ora.

¿Banti ya yichʼ pasel?

Jojkʼoybeya jtul testigo yuʼun Jehová ta alumal.

¿Tojbilbal te ochibale?

Maʼuk.

¿Yabal yichʼ kʼanel takʼin tey-a?

Maʼuk. Ta spisil te jtsoblejtik maba ya yichʼ kʼanel takʼin tey-a (Mateo 10:8).

¿Bin yilel te jkʼuʼ jpakʼtik ya xbootik?

Chikan bin yilel te kʼuʼul pakʼale. Pero te testigootik yuʼun Jehová ya jpastik tulan te lekuk ta ilel te jkʼuʼ jpakʼtik ta kʼajkʼal-abi te kʼax mukʼ skʼoplal.

¿Bin ya yichʼ pasel ta Snaʼojibal slajel te Jesuse?

Ta sjajchibal sok ta slajibal ya yichʼ kʼayojtayel jun kʼayojil, ta patil jtul testigo yuʼun Jehová ya spas oración. Jaʼnix jich ya yichʼ kʼasesel jun discurso te lokʼem ta Biblia, te ya sjultes ta koʼtantik te kʼax mukʼ skʼoplal te laj ta jwentatik te Jesuse, sok ya kiltik te bayal lekilal ya jtatik ta swenta te bin la spasik te Dios sok te Cristo.

Teme ya akʼan ya anaʼbeyxan skʼoplal, kʼopona te artículo «¿Bin yuʼun te stestigotak Jehová yan bitʼil ya spasik te Weʼel Uchʼel yuʼun Kajwaltik te bitʼil yantik relijione?».

¿Bin kʼajkʼalil ya yichʼ pasel te Snaʼojibal slajel te Jesús ta yantik jaʼbil?

2027: lunes 22 yuʼun marzo.

2028: domingo 9 yuʼun abril.

2029: jueves 29 yuʼun marzo.