Zekaria 10:1-12

Onyesha Kama Maandishi Ficha Aina ya Maandishi

  • Mwombeni Yehova awape mvua, msiombe miungu ya uwongo (1, 2)

  • Yehova awaunganisha watu wake (3-12)

    • Kiongozi kutoka katika nyumba ya Yuda (3, 4)

10  “Mwombeni Yehova mvua wakati wa mvua ya masika. Yehova ndiye anayetengeneza mawingu ya dhoruba,Ndiye anayewaletea mvua,+Na kumpa kila mtu mimea ya shambani.  2  Kwa maana sanamu za terafimu* zimesema uwongo;*Na wabashiri* wameona maono ya uwongo. Husimulia ndoto zisizo na faida,Na kwa ubatili wao hujaribu kufariji. Ndiyo sababu watatangatanga kama kondoo. Watateseka, kwa maana hakuna mchungaji.  3  Hasira yangu inawaka dhidi ya wachungaji,Nitawaadhibu viongozi* wanaowakandamiza watu;Kwa maana Yehova wa majeshi amelielekezea uangalifu kundi lake,+ ameielekezea uangalifu nyumba ya Yuda,Naye amewafanya wawe kama farasi wake mwenye fahari vitani.  4  Mtu mkuu anatoka kwake,*Mtawala anayemtegemeza anatoka kwake,*Upinde wa vita unatoka kwake;Na kila mwangalizi* hutoka kwake, wote pamoja.  5  Nao watakuwa kama mashujaa,Wanaokanyaga matope barabarani wakiwa vitani. Watapigana vita, kwa maana Yehova yupo pamoja nao;+Na wapanda farasi wataaibishwa.+  6  Nitaifanya nyumba ya Yuda iwe kuu sana,Nami nitaiokoa nyumba ya Yosefu.+ Nitawarudisha,Kwa maana nitawaonyesha rehema;+Nao watakuwa kama watu ambao sijawahi kuwatupa;+Kwa maana mimi ni Yehova Mungu wao, nami nitawajibu.  7  Ni lazima watu wa Efraimu wawe kama shujaa hodari,Na moyo wao utashangilia kana kwamba wamekunywa divai.+ Wana wao wataona jambo hilo na kushangilia;Moyo wao utashangilia katika Yehova.+  8  ‘Nitawapigia mluzi na kuwakusanya pamoja;Kwa maana nitawakomboa,+ nao watakuwa wengi,Na kuendelea kuongezeka.  9  Ingawa ninawatawanya kama mbegu miongoni mwa mataifa,Watanikumbuka wakiwa katika maeneo ya mbali;Watahuishwa na kurudi pamoja na wana wao. 10  Nitawarudisha kutoka nchini MisriNa kuwakusanya kutoka Ashuru;+Nitawaleta katika nchi ya Gileadi+ na Lebanoni,Na hakutakuwa na nafasi zaidi ya kuwatosha.+ 11  Ni lazima apite baharini kwa msukosuko;Na humo baharini atayapiga mawimbi yatulie;+Vilindi vyote vya Mto Nile vitakauka. Kiburi cha Ashuru kitashushwa,Na fimbo ya mfalme wa Misri itaondoka.+ 12  Nitawafanya wawe wakuu sana katika jina langu Yehova,+Nao watatembea huku na kule katika jina langu,’+ asema Yehova.”

Maelezo ya Chini

^ Au “miungu ya familia; sanamu.”
^ Au “zimesema mambo ya uchawi; mazingaombwe.”
^ Au “waaguzi.”
^ Tnn., “mabeberu.”
^ Tnn., “Mnara wa pembeni unatoka kwake,” unafananisha mtu muhimu au wa maana sana; kiongozi.
^ Tnn., “Kigingi kinatoka kwake,” kinafananisha mtegemezaji; mtawala.”
^ Au “msimamizi wa watumwa.”