Mai ta Isaia i tohu, te ite nei tatou i te maraaraa o te faanahonahoraa a Iehova i nia i te fenua, mai tei ore i itehia a‘enei. (Isa 54:2) E titauhia ïa ia patu hau atu â Piha a te Basileia, Piha tairururaa e te mau paturaa o te amaa. Ia patuhia taua mau piha ra, e titauhia ia atuatu aore ra i te tahi mau taime, ia faaapî i te reira. Nafea tatou e nehenehe ai e horoa i to tatou taime e puai na Iehova?

• E apiti tatou i te tamâraa i te Piha a te Basileia i te taime faataahia no ta tatou pǔpǔ pororaa

• E nehenehe atoa tatou e fana‘o i te faaineineraa no te atuatu i ta tatou Piha a te Basileia

• E nehenehe tatou e faaî i te Demande d’admission comme volontaire Local Développement/Construction (DC-50) no te apiti i te tahi mau taime i roto i te mau opuaraa no te paturaa e no te atuaturaa i pihai iho i to tatou vahi nohoraa

• E nehenehe atoa tatou e faaî i te Demande d’admission comme volontaire (A-19) no te ohipa ei rima tauturu, hoê hebedoma aore ra hau atu, i roto i te tuhaa fenua o ta tatou amaa i te Betela anei aore ra i te tahi atu paturaa o te amaa

A MATAITAI NA I TE VIDEO HOÊ OPUARAA PATURAA APÎ O TE FAAINEINEHIA RA, E A PAHONO NA I TO MURI NEI MAU UIRAA:

• A faataa e nafea tatou e faaohipa rahi atu â i te mau video mai 2014 mai â, ia faaauhia i na mua ’tu?

• No te faaineine i te mau video hinaarohia no ta tatou haamoriraa, eaha te opuaraa o te faaineinehia ra? Afea te reira e haamata ’i e e oti ai?

• Nafea te mau rima tauturu e apiti ai i roto i teie opuaraa?

• Te hinaaro ra anei tatou e apiti i roto i te ohipa paturaa i Ramapo? Mai te peu e e, no te aha e mea tia ia faaî i te aniraa DC-50 e ia apiti i roto i te opuaraa a te Tuhaa haapao i te paturaa, i pihai iho i to tatou vahi nohoraa?

• Eaha te haapapu ra e te aratai noa ra Iehova i teie opuaraa?

• Nafea tatou e turu ai i teie opuaraa noa ’tu e aita tatou e nehenehe e apiti roa ’tu i roto i te ohipa paturaa?