Eaha to roto?

Mau faaho'iraa ê

Ite no Iehova

Tahiti

Poro i te parau apî oaoa i te feia ihitai

Poro i te parau apî oaoa i te feia ihitai

Ia au i te tahi mau tuatapaparaa, te vai ra hoê mirioni e te afa feia ihitai na te ao nei. E tere tamau te feia ihitai mai te hoê uahu e tae atu i te tahi atu. E nafea ïa te mau Ite no Iehova e faaite ai i te poroi Bibilia ia ratou? Ia tae mai te hoê pahi i te tahi uahu, e ani te mau Ite no Iehova aravihi e nehenehe anei ratou e haere i nia i te pahi no te faatere i te mau haapiiraa Bibilia tamoni ore e no te pûpû i te mau papai i te mau pǔpǔ ihitai na roto i te reo ta ratou e au a‘e.

Eaha te faahopearaa o teie nei ohipa? Te faataa ra o Stefano, te hoê Ite no Iehova e poro ra i te uahu i Vancouver, i Kanada: “Te mana‘o ra vetahi mau taata e mea etaeta te feia ihitai e e ere i te mea ohie ia paraparau atu. Peneia‘e mai te reira iho â vetahi o ratou. Te rahiraa râ, e feia haehaa o te hinaaro u‘ana nei i te haapii.” Te parau atoa ra o Stefano: “Te tiaturi nei te rahiraa o ratou i te Atua e te hinaaro nei ratou e fana‘o i ta ’na haamaitairaa. Pinepine matou i te farii-maitai-hia.” Mai Tetepa 2015 e tae atu i Atete 2016, i Vancouver noa, ua titau-manihini-hia te mau Ite no Iehova i nia i te mau pahi hau atu 1 600 taime! Ua fana‘o te feia ihitai tausani papai na roto e rave rau reo e ua haamata hau atu 1 100 o ratou i te haapii i te Bibilia.

E nafea te mau Ite no Iehova e tamau ai i te mau aparauraa Bibilia e te feia ihitai?

E itehia te mau Ite no Iehova i te mau uahu atoa na te ao nei. E nehenehe ïa te feia ihitai o te hinaaro ra e tamau i te aparauraa Bibilia e ani i te hoê farereiraa ia tae ratou i te uahu i muri iho. Ei hi‘oraa, i Me 2016, ua farerei te mau Ite no Iehova i Vancouver ia Warlito, te taata tunu maa o te hoê pahi. Ua faaite ratou ia ’na i te video No te aha e haapii ai i te Bibilia? e ua haamata ratou i ta ’na haapiiraa Bibilia maoti te buka rairai Parau apî oaoa a te Atua. Ua au roa o Warlito i te aparauraa e ua hinaaro oia e tamau i te haapii i te Bibilia. E tere râ te pahi i reira o Warlito i te uahu atea roa o Paranaguá i Beresilia.

Ua tae tera pahi i Paranaguá hoê ava‘e i muri iho. Ua maere roa o Warlito i te iteraa i na piti Ite no Iehova no Beresilia o tei haere i nia i te pahi no te ani atu teihea oia! Ua parau raua e na te mau Ite no Iehova i Vancouver i faatae atu i te aniraa a Warlito ia farereihia oia. Ua oaoa roa o Warlito i te paraparau i na Ite no Iehova no Beresilia e ua mauruuru oia i te mau faanahoraa ravehia no ’na. Ua anaanatae oia i te tamau i te haapii i te Bibilia e te mau Ite no Iehova i te uahu i muri iho.

No te ite atu â

HAAPIIRAA BIBILIA

Eaha te ravehia i te hoê haapiiraa Bibilia?

E pûpû te Ite no Iehova na te ao nei i te hoê porotarama haapiiraa Bibilia tamoni ore. A hi‘o i te tereraa o te reira.

PARAU APÎ OAOA A TE ATUA

Eaha te parau apî oaoa?

Haapii eaha te parau apî no ǒ mai i te Atua, no te aha mea faufaa roa ’i e ia aha ïa tatou.