Enyanjura y’Ekicweka 7
Ekicweka kinu nikibazaaho ebyafaayo eby’emyaka nka 80 ey’obusumi bw’Omukama Saulo n’Omukama Daudi. Ha kubanza, Saulo akaba muntu muhulizi kandi arukutiina Ruhanga. Baitu obwire bukahika yayanga kuhondera oburagirizi bwa Yahwe. Yahwe akamwanga kandi akaragira Samuiri kusesaho Daudi amagita nukwo afooke mukama arahonderaho. Saulo akakwatwa ihali yalengaho emirundi nyingi kwita Daudi, baitu Daudi atahoole enzigu. Haroho ebibi by’amaani Daudi ebi yakozere baitu akaikiriza okuhanwa kuruga hali Yahwe. Obworaaba oli muzaire, konyera omwana wawe kurora omugaso ogw’okwikara n’asagika entekaniza za Ruhanga.
OMU KICWEKA KINU
ISOMO 39
Omukama wa Isareri ow’Okubanza
Ruhanga akaba ahaire Abaisareri abacwi b’emisango kubebembera, baitu bakasaba kutunga omukama. Samuiri akasesaho Saulo amagita yamufoora mukama w’okubanza owa Isareri baitu hanyuma y’akasumi Yahwe yayanga Saulo. Habwaki?
ISOMO 40
Daudi na Goliasi
Yahwe akoma Daudi kuba mukama wa Isareri arukugarukaho kandi na Daudi agumya ngu nuwe akaba ahikire kuba mukama.
ISOMO 41
Daudi na Saulo
Habwaki omusaija omu hali banu anobere muno mugenzi we, kandi ou banobere nayetwaza ata?