Yona 2:1-10
2 Nubwo Yona yasaba Yahwe Ruhanga we, obu ali omu nda y’encu
2 naagamba ati:
“Obu nkaba ndi omu bujune, nkakunga Yahwe kandi yangarukamu.
Obu nkaba ndi hansi* omu Kituuro,* nkakunga ninsaba obukoonyezi.
Okahurra iraka lyange.
3 Obu wannagire omu nziha omu nyanja hagati,Amaizi agarukugenda gakansweka.
Ebigonzi byawe eby’amaani bikambuutikira.
4 Kandi nagamba nti: ‘Nyihirwe omu maiso gaawe!
Ndaasobora nta kwongera kurora yekaru yaawe erukwera?’
5 Amaizi gakansweka kandi kake gannyite,Nkadikira omu nziha ez’amaizi.
Ebinyansi bikanyezinga ha mutwe.
6 Nkadikira nahika hansi y’ensozi.
Emiryango ey’ekituuro* ekaba nenkingirayo ebiro n’ebiro.
Baitu Iwe, Yahwe Ruhanga wange, okannyiha omu kiina nkyali mwomeezi.
7 Obwomeezi bwange obu bukaba nibuhwerekerra, Iwe Yahwe, niiwe naijukire.
Nubwo esaara yange yaija nambere oli omu yekaru yaawe erukwera.
8 Abo abaramya ebisisani ebitaine omugaso, balekaho ensoro yabo ey’okugonza okutalekera.
9 Baitu nyowe niinyija kukuhongera kandi nkukugize n’iraka lyange.
Ebi nyeragire, niinyija kubihikiiriza.
Okujunwa nikuruga hali Yahwe.”
10 Hanyuma y’obwire, Yahwe akaragira encu yatanaka Yona ha ha musa gw’enyanja.
Obugambo Obuli Hansi
^ Nkooku kiri, “omu nda.”
^ Rundi “Okuzimu,” kandi ebi nibyo ebituuro by’abantu. Rora Kusoborra Ebigambo; ”Okuzimu.”
^ Nkooku kiri, “ensi.”
