Aver yem sha atineakaa

Ne Mba Mbakristu?

Ne Mba Mbakristu?

Een. Ka atôakyaa a ne ve se lu Mbakristu je ne:

  • Se mba nôngo u dondon aeren man atesen a Yesu Kristu kôôsôô.—1 Peteru 2:21.

  • Se na jighjigh ser ka ken Yesu tseegh or a zua a myom ye, gadia “ma iti igen i i ne ior i á yima se a mi keng yô, ngi sha won kpaa ga.”—Aerenakaa 4:12.

  • Ior mba ve hingir Mbashiada mba Yehova cii, i er ve batisema ken iti i Yesu.—Mateu 28:18, 19.

  • Ka se er msen ken iti i Yesu.—Yohane 15:16.

  • Se na jighjigh ser ka Yesu a lu ityough ki hanma or ye, i na un tahav sha hanma or cii.—1 Mbakorinte 11:3.

Nahan kpa, se kaha aa iniongo i kwaghaôndo igen i i yer i ér Mbakristu la, sha igbenda imôngo je. U tesen ikyav yô, se na jighjigh ser Bibilo tese ér Yesu ka Wan u Aôndo, ka môm ken Mbaaôndo Utar ga. (Marku 12:29) Se lumun a ityesen i uma kpen ga la ga, shi ma ijiir ngi ken Ruamabera i i kaa ér Aôndo ne ior ican ken berusu u tsôron ga, shi Bibilo kaa ér mbahemen mba ken ukwaghaôndo ve tôôn atiatom a tesen ér ve hemba mbagenev ga.—Orpasenkwagh 9:5; Esekiel 18:4; Mateu 23:8-10.