Ka nyi ka i mgbegha se ve se za hemen u dondon Yesu? Apostoli Paulu na mlumun ér: “Dooshima u Kristu a lu a mi la ngu mgbeghan se.” (2 Mbakorinte 5:14) Ken vegher u sha 3 ne, se time sha dooshima u Yesu a lu a mi sha Yehova man sha uumace kua se asange asange la. Aluer se time sha dooshima u Yesu ne yô, mimi je asema aa mgbegha se. Kwagh la una kôr se ken ishima shi una mgbegha se u eren kwagh, nahan zan hemen u dondon ikyav i Orvesen wase la.