U Umbur Kpa?
Ú ôr mbamgber mba Iyoukura mba i sember duen a mi la vighe vighe kpa? Yô, nenge ase wea fatyô u nan mbamlumun sha mbampin mban yô:
Ka nyi i lu ieren i eren tom a Bibilo er ka kwagh u ahir laa, man doo u Mbakristu vea nenge ieren ne nena?
Ka ieren i ior ve ne jighjigh ér aluer ve bugh Bibilo yô, ivur i ashe a hii gberen ve sha mi sha peeji u ve bugh la cii, ia na ve iwasen i ve soo la yô. Mbakristu mba mimi mba eren ahir ga. Kpa ka ve hen Bibilo sha er vea zua a mfe u mimi kua kwaghwan u Aôndo yô.—12/15, peeji 3.
Ka nyi i lu “tar” u u lu karen kera laa?
“Tar” u u lu karen kera la ka uumace mba ve eren ishima i Aôndo ga la. (1 Yoh. 2:17) Tar kua uumace mba jighjigh mba ve lu shin u la cii vea war.—1/1, peeji 5-7.
Abel kpe kpa ngu ôron kwagh a vese her nena? (Heb. 11:4)
Ngu ôron kwagh a vese sha jighjigh na u nan. Se fatyô u henen kwagh u jighjigh na u nan, shi nôngon ser se dondo ikyav na la kpaa. Ikyav i jighjigh u nan i a ver se la ngi her taveraa.—1/1, peeji 12..
Ka akaa a nyi i doo u se wa ikyo sha mi sha er aa pav se a Aôndo ga?
Akaa ne agen yô, ka a ne: Tom u eren man iemberyolough i se tsough u eren la, man u lun kôôsôô a orwase u i dugh nan ken tiônnongo kera la man gbenda u se eren tom a iwavaren la, man mkpeyol wase u keren man mnenge u kpeegh u sha kwagh u inyar, man ieren i haren ishima sha kwagh u iantom, shin hemban wan mbamnenge asev ikyo la.—1/15, peeji 12-21.
Iyol i hiden a mi ijime i Mose la tese se nyi?
Mose yange kehen ityough sha ci u i na un tahav yum ga, kpa a suur sha Aôndo, lu sha mhen na ga. Mayange se soo ser se gengese iyol sha ci u ma tahav mbu i ne se shin mfe u sha marami u se lu a mi la ga, kpa se soo ser se suur sha Yehova. (Anz. 3:5, 6)—3/1, peeji 5..
Mbaiserael yange ve “tsôngo asema ga” nena? (Yer. 9:26)
Yange ve nômbo ikyôr, ve lumun u ungwan imo i Aôndo mayange ga, nahan gba u vea dugh kwagh u na ve mbamhen vev man asaren a ve man mbaawashima vev cii kaha a Aôndo la, ken a ve kera. (Yer. 5:23, 24)—3/15, peeji 9-10.
Yesu yange ver ikyav i or u lun a uma u injaa nena?
Yesu yange lu a awashima. Awashima na lu u eren ishima i Aôndo. Yange soo Ter na kpishi, kua ior. Sha nahan yô, Yesu fa er un doo ter na ishima shi a lumun un yô. Ka igbenda i lun a uma u injaa je ne.—5/1, peeji 4-5.
Vegher u nongo u Yehova u̱ a lu shin tar la wa nyi man nyi kere?
A wa Mbahemenev Mba Shin Itine man ukômatii mba nengen sha ubranci man mbatamen mba ningir sha man mbamzough mba mbatamen man atôônanongo kua Mbashiada asange asange cii ker.—4/15, peeji 29.
Mbaiserael yange ve wuan aferaior sha u manden ve sha konoo?
Ei. Akuraior agen yange eren nahan, kpa Mbaiserael yô eren nahan ga. Ikyav tese ér sha shighe u i lu ngeren Ruamabera u ken zwa Heberu la, yange or a kuma ku yô, i hii wuan nan sha ma gbenda ugen, er sha u tan nan awen nahan. (Lev. 20:2, 27) A been yô, i mase hamben ikyom i nan sha kon, sha u i lu icintan hen mbagenev yô.—5/15, peeji 13.
