ER I HII VE I LU HANGE HANGE YÔ: Yehova ka a na ivor i mimi i mende ken asema a mba ve “lu a ishima i mimi i zuan a uma u tsôron” la. (Aer 13:48 NW; 1Kor 3:7) Ka se er tom vea na sha u hemban veren ishima sha mba ka ve er tom sha kwagh u ve hen la ken kwaghpasen wase. (1Kor 9:26) Gba u mba se henen Bibilo a ve la vea fa ér batisema ka kwagh u hange hange u Orkristu nana er ve nana zua a myom yô. (1Pe 3:21) Ka se wase ve u hingir mbahenen sha u tesen ve ser, ve gema uma ve shi ve pasen kwagh shi ve tesen ior shi ve tsegha uma ve sha ci u Yehova.—Mt 28:19, 20.

ER SE ER KWAGH NE YÔ:

• Umbur mba u lu henen Bibilo a ve la wer, ityôkyaa i i henen Bibilo a ve yô, ka u wasen ve “ve̱ fa” Yehova shi ve er ishima na.—Yoh 17:3

• Wase ve ve vese ken jijingi sha u hemban mbamtaver, amba er aeren a bo man azende a bo nahan

• Taver ve ishima shighe u ve lu a er batisema ga la, kua shighe u ve er kera la kpaa.—Aer 14:22

NENGE VIDIO I YEHOVA UNA WASE U LA, MAA NA MLUMUN SHA MBAMPIN MBA VE DONDO NE:

• Ka mciem ma nyi alaghga ma a yange or u tseghan iyol i nan shi eren batisemaa?

• Mbatamen vea fatyô u wasen mba i lu henen Bibilo a ve la u vesen ken jijingi nena?

• Yesaia 41:10 tese se nyi sha kwagh u Yehova?

• Er se yen nahan kpa, ka aeren a nyi aa wase se u civir Yehova sha gbenda u a lumun a mini?